Awazada CIET – 2025 halkara sergisi we maslahaty geçirilýär
13:39 04.11.2025 1514
«Awaza» milli syýahatçylyk zolagynda ýylyň esasy işewürlik wakalarynyň birine öwrülen «Türkmenistanyň gurluşygy, senagaty, energetikasy — CIET 2025» atly halkara sergi we maslahat öz işine başlady. Forum 2025-nji ýylyň 3-4-nji noýabry aralygynda geçirilip, oňa Türkmenistanyň we daşary ýurtlaryň ykdysadyýetiniň öňdebaryjy pudaklarynyň wekilleri gatnaşýarlar. Bu barada Türkmenistan halkara habarlar portaly habar berýär.
CIET 2025 halkara hyzmatdaşlygyny pugtalandyrmaga, gurluşyk, senagat we energetika pudaklaryna innowasiýalary we maýa goýumlaryny çekmäge, şeýle hem döwlet edaralarynyň, maliýe institutlarynyň we hususy kompaniýalaryň arasynda özara bähbitli hyzmatdaşlygy ösdürmäge gönükdirilendir.
Çäräniň guramaçylary bolup Türkmenistanyň Gurluşyk we binagärlik ministrligi, Energetika ministrligi, Senagat we gurluşyk önümçiligi ministrligi, «Türkmenhimiýa» döwlet konserni, Awtomobil ýollarynyň gurluşygyny dolandyrmak baradaky döwlet agentligi, şeýle hem Türkmenistanyň Söwda-senagat edarasy Aşgabat şäheriniň häkimligi bilen bilelikde çykyş edýärler.
Forum gurluşyk we energetika ulgamynda sebitleýin hyzmatdaşlygy işjeňleşdirmäge, senagat kuwwatyny ösdürmäge, erkin senagat zolaklaryny döretmäge we häzirki zaman tehnologiýalaryny ornaşdyrmak babatda tejribe alyşmaga ýardam etmelidir.
Maslahatyň çäklerinde gurluşyk, senagat we energetika pudaklarynyň, şeýle hem jemagat hojalygynyň ösüşiniň möhüm meseleleri ara alnyp maslahatlaşylar. Arkadag akylly şäheriniň gurluşygynyň ikinji tapgyrynda lukmançylyk we gaýtadan işleýän klasterleri döretmek meýilleşdirilýän täze infrastruktura we maýa goýum taslamalaryny durmuşa geçirmäge aýratyn üns berilýär.
CIET 2025-iň işewürlik maksatnamasy diňe bir sergini we umumy mejlisleri däl, eýsem seminarlary, tegelek stollary we mowzuklaýyn panel maslahatlary hem öz içine alýar. Gatnaşyjylar senagat inžinerçilik, sanly söwda, konsessiýalar, lizing, infrastruktura ynanyp dolandyrmak we karz bermek ulgamyndaky häzirki zaman tejribelerini ara alyp maslahatlaşarlar. Ähtnamalara we şertnamalara gol çekmek, şeýle hem täze senagat desgalaryna we Aşgabat-Türkmenabat ýokary tizlikli ýoluna göçme çäreleri guramak meýilleşdirilýär.
Bu ýyl foruma döwlet dolandyryş edaralarynyň, pudaklaýyn agentlikleriň, assosiasiýalaryň we birleşikleriň, ylmy-taslama institutlarynyň, halkara kompaniýalarynyň we okuw mekdepleriniň wekilleriniň rekord sany gatnaşdy.
Bagtyýar zenanlarymyzyň akyldar şahyra bagyşlanan bäsleşigi
«Türkmengaz» döwlet konserniniň Medeni-işewürlik merkezinde «Arkadag hem Arkadagly Serdar bilen bagtyýar siz, Pyragynyň wasp eýläni, zenanlarmyz — bagta ýar siz!» atly şygar bilen geçirilen bäsleşigiň jemi jemlenildi. «Türkmengaz» döwlet konserniniň ilkinji zenanlar guramasynyň «Nebit-gaz» gazeti bilen bilelikde Gündogaryň beýik, akyldar şahyry Magtymguly Pyragynyň 300 ýyllyk ýubileýi mynasybetli guran dabaraly baýramçylyk çäresine toplumyň önümçilikleriniň öňdebaryjy işgärleri, Ýagşygeldi Kakaýew adyndaky HNGU-nyň talyplary we beýleki daşdan-ýakyndan gelen myhmanlar gatnaşdy.
Şaşka bäsleşigi
Aklar başlaýar we utýar
Mejlisde Ýewroparlamentiň wekilleri bilen duşuşykda hyzmatdaşlygyň ileri tutulýan ugurlary maslahatlaşyldy
Mejlisiň Başlygy D.Gulmanowanyň ýurdumyzda iş sapary bilen bolýan Ýewropa parlamentiniň Merkezi Aziýa ýurtlary we Mongoliýa boýunça wekiliýetiniň ýolbaşçysy Tomaş Zdehowskiý bilen duşuşygynda söwda-ykdysady, ulag-kommunikasiýa, energetika we ynsanperwer-medeni ugurlarda özara gatnaşyklaryň ileri tutulýan ugurlary maslahatlaşyldy. Bu barada Türkmenistanyň DIM-niň saýty habar berýär.
TDHÇMB-niň söwdalarynda daşarky we içerki bazarlara nebitgaz toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 45-si hasaba alyndy.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.