Ahmet Çalyk: “Türkmenistan – maýa goýumlary üçin ygtybarly we geljegi uly ugur”
14:24 04.11.2025 1010
«Çalyk Holding» kompaniýalar toparynyň dolandyryjylar geňeşiniň başlygy Ahmet Çalyk Awazada geçirilýän CIET 2025 halkara maslahatyna gatnaşdy. Ol «Durnukly maýa goýumlaryň geljegi» atly umumy mejlisinde çykyş edip, onda senagaty döwrebaplaşdyrmak we durnukly ösüş boýunça hyzmatdaşlyk meselelerine üns çekdi.
Ahmet Çalyk çykyşynda Türkmenistanyň güýçli maýa goýum mümkinçiliklerini we onuň dünýä derejesindäki ähmiýetiniň barha ösýändigini aýratyn belledi.
«Häzirki wagtda Türkmenistan durnukly ösüşiň global merkezleriniň biri hökmünde çykyş edýär. Syýasy durnuklylyk, döwrebap senagat binýady we hyzmatdaşlyga açyklyk ýurdumyzy maýa goýujylar üçin ygtybarly we özüne çekiji mekana öwürýär» diýip, ol nygtady.
Ahmet Çalyk «Çalyk Holding» kompaniýasynyň Türkmenistan bilen uzakmöhletleýin hyzmatdaşlygyny belläp, Mitsubishi Heavy Industries ýapon kompaniýasy bilen bilelikde durmuşa geçirilýän Gyýanlydaky karbamid zawodyny «türkmen-ýapon-türk tehnologik hyzmatdaşlygynyň nyşany» diýip atlandyrdy.
«Biz Türkmenistanyň ykdysadyýetini pugtalandyrýan we halklarymyzyň dostlugyny berkidýän taslamalara goşant goşýandygymyza buýsanýarys» diýip, türk işewüri sözüni jemledi.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.