CIET 2025: Tebigy gazdan benzin öndürýän dünýäde ilkinji zawod Türkmenistanyň senagatyny berkidýär
14:23 04.11.2025 1278
CIET 2025 halkara maslahatynda «Kawasaki Heavy Industries, Ltd.» kompaniýasynyň Türkmenistandaky wekiliýetiniň direktory Tomohiro Takaşina kompaniýanyň Türkmenistan bilen 20 ýyllyk hyzmatdaşlygy barada gürrüň berdi. Ol, hususan-da, tebigy gazdan benzin öndürýän GTG-1 zawodyny ýapon-türkmen hyzmatdaşlygynyň hem-de ekologiýa innowasiýalarynyň nyşany hökmünde aýratyn belledi.
Bellenilişi ýaly, «Kawasaki» kompaniýasy Türkmenistanda 20 ýyldan gowrak wagt bäri iş alyp barýar we şu döwür içinde üç iri taslamany durmuşa geçirdi: Kelete sement zawody, Marydaky dökün zawody we tebigy gazdan benzin öndürýän GTG-1 zawody.
Aşgabat şäherine golaý ýerleşýän GTG-1 zawody «Kawasaki–Rönesans» konsorsiumy tarapyndan, Ýaponiýanyň halkara hyzmatdaşlyk bankynyň (JBIC) maliýeleşdirmesi esasynda guruldy. Gurluşyk 2015-nji ýylyň maý aýyndan 2019-njy ýylyň iýunyna çenli dowam etdi.
Zawodyň önümçilik prosesi «Kawasaki» kompaniýasynyň öňdebaryjy tehnologiýalaryna esaslanýar. Öndürilýän benzin «Euro-5» hil standartlaryna doly laýyk gelýär. Zawod her gün 1800 tonna benzin we goşmaça önüm hökmünde 350 tonna suwuklandyrylan uglewodorod gazy (SUG) öndürýär. Bu gaz zawodyň energetik zerurlyklary üçin ulanylýar we zerur halatynda eksport edilýär.
Ekologiýa meseleleri ilkinji orunda durýar: GTG-1 benzini doly sintetiki bolup, agyr metallar, kükürt we zyýanly goşundylar saklamaýar. Çykdajylaryň aýlanyş ulgamynyň kämilleşdirilmegi CO₂ zyňyndylaryny iň pes derejä düşürýär. Takaşina çykyşynda GTG-1 zawodynyň Türkmenistanyň «ýaşyl» tehnologiýalary we energetiki innowasiýalar babatynda abraýyny has-da ýokarlandyrandygyny belläp geçdi.
Işewüriň belleýşi ýaly, 2025-nji ýylyň aprelinde Türkmenistanyň Prezidenti Serdar Berdimuhamedow Ýaponiýa eden resmi saparynyň dowamynda GTG-2 zawody boýunça Çarçuwaly şertnama gol çekildi. «Kawasaki» kompaniýasynyň uly tejribesine daýanyp, türkmen we ýapon taraplary täze zawody hem «Rönesans» we «Itochu Corporation» gatnaşmagynda şol bir konsorsium tarapyndan gurmaga taýýardyklaryny aýtdylar.
Tomohiro Takaşina belleýşi ýaly, GTG-1 gazhimiýa zawody Türkmenistanda tehnologik ösüşiň taryhyny, serişdeleriň durnukly gymmada öwrülmeginiň nusgasyny we ýaşyl tehnologiýalaryň ösdürilmegini görkezýär. Bu bolsa Türkmenistanyň Merkezi Aziýada gazhimiýa pudagynyň lideri hökmünde abraýyny pugtalandyrýar.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.