CIET-2025: HNGU-nyň alymlary özboluşly plazma-himiýa desgasyny döretdiler
12:14 05.11.2025 985
4-nji noýabrda Awazada geçirilen CIET-2025 halkara maslahatynda Türkmenistanyň az uglerodly energetika ulgamy boýunça tehnologiýa üstünliklerini tassyklanyldy diýip, THP habar berýär.
Ýagşygeldi Kakaýew adyndaky Halkara nebit we gaz uniwersitetiniň (HNGU) rektory Baýrammyrat Atamanow Wodorod energetikasy merkezini we özboluşly plazma-himiýa desgasyny döretmekde uly üstünlikleriň gazanylandygyny habar berdi.
Bu ylmy öňegidişlik Türkmenistanyň Prezidenti tarapyndan tassyklanan “Wodorod energetikasy boýunça halkara hyzmatdaşlygyny ösdürmegiň ýol kartasynyň” durmuşa geçirilmeginiň netijesidir.
HNGU-nyň alymlarynyň esasy üstünlikleriň hatarynda Wodorod energetikasy merkeziniň döredilmegini agzap geçmek bolar. Täze düzüm alternatiw energetika ulgamynda ylmy-barlag we tejribe-gurnamaçylyk işlerine ýöriteleşendir. Merkezde ilkinji gezek plazma-himiýa dsgasy işlenip düzüldi. Ol tebigy gazy wodoroda we tehniki uglroda konwerisiýa etmäge niýetlenendir.
Bu desganyň işlenip düzülmegi Türkmenistan üçin iki sany strategik ähmiýete eýe. Ol tebigy gazdan alynýan iň arassa energiýa geçirijileriniň biri bolan wodorod ýangyjyny almaga, şol bir wagtda zyýanly zyňyndylary azaltmaga mümkinçilik berer. Munuň özi ýurdumyzyň pes uglerodly tehnologiýalary özleşdirmekde abraýyny berkidýär.
Elektroliz üçin barlaghana desgasy bilen bir hatarda bu taslama uniwersiteti ýokry hünär taýýarlykly işgärleri taýýarlamakda öň hatara çykarýar.
Şeýlelikde, Ýagşygeldi Kakaýew adyndaky HNGU ýurdumyzyň energetika mümkinçiliklerini diwersifikasiýalaşdyrmakda işjeň ornuny görkezýär.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.