Täze ýyl dabaralary nebitgaz toplumynda giň gerimde bellenildi
09:10 30.12.2025 236
Şu günler ýurdumyzyň ähli pudaklaýyn edara-kärhanalarynda Täze ýyl mynasybetli şowhunly çäreler guralýar. Geçen hepdede nebitgaz toplumynyň edara-kärhanalarynda hem baýramçylyk dabaralary giňden ýaýbaňlandyrylyp, ýokary guramaçylyk derejesinde geçirildi.
«Türkmengaz» döwlet konserniniň Medeni-işewürlik merkezinde geçirilen Täze ýyl baýramçylygyna bagyşlanan çäre hem şeýle dabaralaryň biri bolup, oňa nebitgaz toplumynyň işgärleri, olaryň çagalary gatnaşdylar.
Baýramçylyk dabarasynda bolan çykyşlarda bellenilişi ýaly, türkmenistanlylar ynam we ruhubelentlik bilen Täze ýyly garşylaýarlar.
Täze ýyl arçasynyň ýanynda Medeni-işewürlik merkeziniň sungat ussatlarynyň ýerine ýetirmeginde ajaýyp owazlarda söýgi, mähir, gözellik we hoşniýetlilik hakynda aýdymlar ýaňlandy. «Galkynyş» folklor toparynyň, «Ruhubelent çagalar» tans toparynyň zehinli çagalarynyň ussatlyk bilen ýerine ýetiren tanslary dabaranyň täsirini artdyrdy. Täze ýyl dabarasynda çagalaryň arasyna Aýazbaba bilen Garpamygyň gelmegi iň gyzykly we şatlykly pursatlaryň biri boldy. Çagalar Aýazbabadyr Garpamyk bilen bilelikde bezemen arçanyň daşyndan aýlanyp, şadyýanlyk bilen aýdym aýtdylar. Bu ýerde ýurdumyzyň teatrlarynyň artistleriniň çagalar üçin taýýarlan ertekiler dünýäsinden gysgaça sahna oýunlary dabara gatnaşyjylaryň ählisinde ýatdan çykmajak täsir galdyrdy. Elbetde, Täze ýylyň sowgatsyz geçmejegi düşnükli. Bu sapar hem Aýazbabadyr Garpamyk çagalaryň ählisine dürli oýunjaklary we süýjülik sowgatlary paýladylar.
Täze — 2026-njy ýyly garşylamak mynasybetli geçirilen dabaraly çäre hemmelere ýakymly duýgulary bagyş edip, olaryň ruhuny galkyndyrdy.
Türkmenistanyň ýolbaşçy düzümi 1-nji awgustdan 1-nji sentýabra çenli dynç alyşda bolar
Türkmenistanyň ýolbaşçy düzümi 1-nji awgustdan 1-nji sentýabra çenli dynç alşa çykar. Bu barada Türkmenistanyň Prezidenti Serdar Berdimuhamedow şu ýylyň birinji ýarymynda ýurdumyzyň durmuş-ykdysady ösüşiniň netijelerine bagyşlap geçen anna güni geçiren giňişleýin Hökümet mejlisinde karar kabul etdi.
Türkmenistanyň Prezidenti 2025-nji ýylda geçiriljek sergileriň, ýarmarkalaryň, maslahatlaryň we festiwallaryň sanawyny tassyklady
Prezident Serdar Berdimuhamedow 2025-nji ýylda geçiriljek sergileriň, ýarmarkalaryň, maslahatlaryň we festiwallaryň sanawyny tassyklamak hakynda Karara gol çekdi. Şeýle hem olary geçirmek boýunça guramaçylyk toparynyň düzümi tassyklanyldy.
Türkmenistanda 2025-nji ýylyň ilkinji bäbegine “Parahat” diýlip at goýuldy
Arkadag şäherindäki Enäniň we çaganyň saglygyny goraýyş merkezinde täze — 2025-nji, Halkara parahatçylyk we ynanyşmak ýylynda ýurt boýunça ilkinji çaga dünýä indi. Asylly däbe eýerip, oglanjyga onuň ata-enesi täze ýylyň ruhuna, şygaryna laýyk Parahat diýip at goýdular. Bu barada "Türkmenistan" gazeti habar berýär.
Türkmenistanyň Prezidenti BAE-niň energetika ministri bilen energetika ulgamynda ileri tutulýan ugurlary maslahatlaşdy
Türkmenistanyň Prezidenti Serdar Berdimuhamedow çarşenbe güni Birleşen Arap Emirlikleriniň energetika we infrastruktura ministri Suheil Al Mazrui bilen iki ýurduň ykdysadyýetiniň strategiki ugurlary bolup durýan energetika ulgamynda hyzmatdaşlyk meselelerini maslahatlaşdy.
2023-nji ýylyň 1-nji ýanwaryndan Türkmenistanda zähmet haklary, pensiýalar we döwlet kömek pullary ýokarlandyrylar
2023-nji ýylyň 1-nji ýanwaryndan Türkmenistanda Türkmenistanda aýlyk zähmet haklarynyň, pensiýalaryň we döwlet kömek pullarynyň möçberleri 10 göterim ýokarlandyrylar. Degişli resminama Prezident Serdar Berdimuhamedow gol çekdi.