Türkmenistanyň känlerinde guýularyň bökdençsiz işi üpjün edilýär
15:32 16.01.2026 935
«Türkmennebit» döwlet konserniniň düzümindäki «Nebitgazdüýpliabatlaýyş» trestiniň Düýpli abatlaýyş müdirligi Türkmenistanyň iň iri känlerinde nebit guýularynyň bökdençsiz işledilmegini üpjün etmek ugrunda netijeli işleri amala aşyrýar.
Müdirligiň abatlaýyş brigadalary ýurdumyzyň ýangyç-energetika toplumyny her gün ýüzlerçe müň tonna nebit we uly göwrümli tebigy gaz bilen üpjün edýän Goturdepe, Barsagelmez we Gamyşlyja ýataklarynda guýularyň ýerasty we düýpli abatlaýyş işlerini alyp barýarlar.
Abatlaýyş işleriniň barşynda döwrebap enjamlar, hususan-da, ýük göterijiligi 80-den 120 tonna çenli bolan J-650 göteriji desgasy giňden ulanylýar. Çeýe nasos-kompressor turbalarynyň ulanylmagy abatlaýyş möhletlerini ep-esli gysgaltmaga we guýularyň geçirijilik ukybyny artdyrmaga mümkinçilik berýär. Bu desgalaryň kömegi bilen guýularyň düýp zolagy gatlak çökündilerinden arassalanýar we çäge dykylary ýuwulýar.
Nebit we gaz çykarylyşyny durnukly saklamakda «Nebitgazdüýpliabatlaýyş» trestiniň çeýe nasos-kompressor turbalary arkaly guýulary düýpli abatlaýyş sehine esasy orun degişlidir. Uglewodorodlaryň netijeli çykarylmagyna goşan goşandy üçin bu sehiň başlygy Abdylla Baýrammämmedow «Türkmenistanyň Bitaraplygynyň 30 ýyllygyna» atly ýubileý medaly bilen sylaglandy.
«Türkmengaz» DK Merkezi Aziýa ýurtlarynyň we Ýaponiýanyň kompaniýalarynyň onlaýn-sergisine gatnaşýar
2022-nji ýylyň 17-nji ýanwaryndan 4-nji marty aralygynda geçirilýän «Merkezi Aziýa — Wirtual EXPO» (CAVEX II) Ikinji onlaýn sergisinda ýigrimi sany türkmen kompaniýasy öz önümçiligini hödürledi. Sergä gatnaşyjylaryň hatarynda «Türkmengaz» döwlet konserni bar.
Gurbanguly Berdimuhamedow: Türkmenistan bilen HHR-niň hyzmatdaşlygynyň ileri tutulýan ugurlarynyň biri ýangyç-energetika ulgamydyr
Türkmenistan bilen Hytaý Halk Respublikasynyň hyzmatdaşlygynyň ileri tutulýan ugurlarynyň biri ýangyç-energetika ulgamydyr. Bu barada Prezident Gurbanguly Berdimuhamedow HHR-e Olimpiýa oýunlarynyň açylyş dabarasyna gitmezden ozal hytaý habar beriş serişdeleriniň wekillerine beren interwýusynda habar berdi.
«Daşoguzgazüpjünçilik» «mawy ýangyjyň» netijeli ulanylmagyny üpjün edýär
«Daşoguzgazüpjünçilik» müdirliginiň gazçylary ýurdumyzyň demirgazyk welaýatynyň sarp edijileriniň ygtybarly hem üznüksiz gaz üpjünçiligini dowam edýärler. Ýokary hünär taýýarlykly hünärmenler ýyladyş möwsüminde welaýatyň gaz paýlaýjy ulgamynyň durnukly hereket etmegini üpjün edýärler.
Ýanwar aýynyň netijeleri boýunça Türkmenistanyň nebitgaz toplumynyň kärhanalary önümçiligiň ýokary ösüş depginini üpjün etdiler
Ministrler Kabinetiniň Başlygynyň orunbasary Ş.Abdrahmanow penşenbe güni sanly ulgam arkaly geçirilen Hökümet mejlisinde şu ýylyň ýanwar aýynda nebitgaz toplumynda kärhanalaryň işiniň netijeleri barada Prezident Gurbanguly Berdimuhamedowa hasabat berdi.
Hökümet mejlisinde 2023-nji ýylyň ýanwar-maý aýlarynda alnyp barlan işleriň jemleri jemlenildi
Geçen şenbe güni sanly ulgam arkaly geçirilen Ministrler Kabinetiniň nobatdaky mejlisinde şu ýylyň bäş aýynda ykdysadyýetimiziň pudaklarynda alnyp barlan işleriň jemleri jemlenildi, resminamalaryň taýýarlanan taslamalaryna garaldy we döwlet durmuşynyň käbir meseleleri ara alnyp maslahatlaşyldy.