«Türkmengaz» DK-nyň Marydaky nebitgaz orta hünär okuw mekdebi 2020-nji ýylda 1160 hünärmen taýýarlady
10:47 11.02.2021 9843
«Türkmengaz» döwlet konserniniň Mary nebitgaz orta hünär okuw mekdebi ýurdumyzyň energetika pudagy üçin ýokary hünär taýýarlykly hünärmenleri taýýarlamak boýunça möhüm merkezleriň biri bolup durýar. Geçen ýylda merkezdäki diňleýjileriň sany 1160-a ýetdi.
Ugurdaş hünärmenleri taýýarlamak üçin bu ýerde amatly şertler döredildi. Okuw otaglarynyň ählisi iň häzirki zaman tehnikalar, enjamlar, interaktiw tagtalar hem-de kompýuterler bilen enjamlaşdyrylandyr. Tejribeli mugallymlar hünärmenlere zerur bolan nazary bilimleri berýärler.
Bu ýerde oturdylan maketler okuw işiniň netijeliligini ýokarlandyrmaga mümkinçilik berýär. Bu maketler «Galkynyş» känindäki guýularyň işlenip taýýarlanylyşy we tehnologiýalary bilen ýakyndan tanyşmaga ýardam edýär.
Häzirki wagtda ýerli bazarlarda polietilen turbalaryna bolan isleg barha artýar. Polietilen materiallaryndan taýýarlanylan turbageçirijileriň ýokary hilli guralmagy hem-de uzak ýyllar hyzmat etmegi üçin ýokary hünär taýýarlykly hünärmenler zerurdyr.
Mary nebitgaz orta hünär okuw mekdebi polietilen turbalary kebşirlemek boýunça gysga wagtlyk hünär taýýarlyk okuwlaryny geçirýär. Öňdebaryjy hünärmenler diňleýjileri kebşirleme enjamlarynyň tehnologiýalary, birleşdiriji detallar bilen tanyşdyrýarlar.
Okuw we hünär taýýarlygyny ýokarlandyrmak işleri ýurdumyzyň nebitgaz pudagynyň işgärleriniň hünär başarnyklaryny artdyrmakda ygtybarly goldaw bolup durýar.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.