Şu hepdede Türkmenistanyň Ministrler Kabinetiniň giňişleýin mejlisinde 2025-nji ýylyň jemleri jemleniler
21:08 10.02.2026 1622
Şu hepdede 2025-nji ýylyň jemlerine bagyşlanan Ministrler Kabinetiniň giňişleýin mejlisini geçirmek meýilleşdirilýär diýip, Türkmenistanyň Halkara habarlar merkezi habar berýär.
Bu barada Türkmenistanyň Prezidenti Serdar Berdimuhamedow 6-njy fewralda geçirilen we ýurduň 2026-njy ýylyň ýanwar aýyndaky durmuş-ykdysady ösüşiniň jemlerine garalan Hökümet mejlisiniň dowamynda aýtdy.
Neşiriň bellemegine görä, öňde duran giňişleýin mejlis birinji çärýegiň esasy wakasy bolar. Onda diňe bir geçen ýylyň jemleri jemlenmän, eýsem, geljek üçin meýilnamalara hem düzedişler giriziler.
Mejlisiň dowamynda kabul edilen döwlet maksatnamalarynyň durmuşa geçirilişi we öň berlen tabşyryklaryň ýerine ýetirilişi seljeriler. Ykdysadyýetiň ähli pudaklarynyň 2025-nji ýyl üçin bitiren işlerine baha berler. Gazanylan üstünliklerden we wezipelerden ugur alyp, şu ýyl üçin durmuş-ykdysady ösüşiň ileri tutulýan ugurlary kesgitlener.
Döwlet Baştutany ýurduň mundan beýläk-de ösmegi ugrunda öňde uly işleriň durandygyny belledi. Mejlisiň giňişleýin görnüşde geçirilmegi bolsa ähli edara-kärhanalaryň tagallalaryny has netijeli utgaşdyrmaga mümkinçilik berer.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.