Geofiziki işler Türkmenistanda uglewodorodlaryň çykarylyşynyň artmagyna ýardam edýär
21:11 10.02.2026 1466
"Türkmengaz" döwlet konserniniň "Türkmengeofizika" müdirliginiň Mary meýdançasyndaky guýularda geofiziki barlaglary geçirmek baradaky önümçilik-tehnologik gullugy pudagyň öňdebaryjy düzümleriniň biri bolmagynda galýar. Kärhana 2025-nji ýylyň önümçilik meýilnamasyny üstünlikli berjaý etdi: 19 million 702 müň 476 manatlyk meýilnama derek, hakykatda 20 million 720 müň 164 manatlyk geofiziki işler ýerine ýetirildi.
Gullugyň hünärmenleri döwrebap geofiziki enjamlary ulanmak arkaly "Türkmengaz" we "Türkmennebit" döwlet konsernleriniň, şeýle hem "Türkmengeologiýa" döwlet korporasiýasynyň ulanyş we gözleg guýularynda barlag işlerini alyp barýarlar. Bu işleriň barşynda ýerasty gatlaklaryň tehniki ýagdaýy düýpli öwrenilýär we gözegçilikde saklanylýar.
2025-nji ýylda "Galkynyş" käninde №264 we №110-njy ulanyş guýularynda geofiziki barlaglar geçirildi. "Ýylan" ýatagynda Mary welaýatyndaky №03-nji guýuda geçirilen işler gatlaklarda tehnologik düzgünleriň berjaý edilmegini üpjün etdi. Netijede ýokary basyşly tebigy gazyň senagat taýdan ähmiýetli akymlary alyndy.
Şeýle-de, geçen ýyl "Marygazçykaryş" müdirliginiň "Garaşsyzlygyň 10 ýyllygy" we "Ýolguý", şeýle hem "Döwletabatgazçykaryş" müdirliginiň "Döwletabat-2" we "Döwletabat-3" ýataklaryndaky hereket edýän guýularda önümçiligi artdyrmak maksady bilen barlaglar geçirildi. Netijede, tebigy gazyň debitiniň artmagy gazanyldy.
Kärhananyň işgärleri 2026-njy ýylyň önümçilik meýilnamalaryny ýerine ýetirmäge hem ruhubelentlik bilen girişdiler. Häzirki wagtda gelip gowşan sargytlar esasynda "Galkynyş" ýatagynyň №263 we №283 ulanyş guýularynda, "Ýylan" ýatagynyň №4 guýusynda, "Marynebitgazgözleg" ekspedisiýasynyň "Minara-05" gözleg guýusynda karotaž-geofiziki işleri dowam edýär.
Türkmenistanyň Prezidentiniň goldawy netijesinde, pudagyň maddy-tehniki binýady dünýäniň öňdebaryjy öndürijileriniň enjamlary bilen yzygiderli berkidilýär. Kärhananyň enjamlar parkyna Hytaýyň we Germaniýanyň öňdebaryjy kompaniýalarynyň ýokary tehnologiýaly geofiziki gurallary gelip gowuşdy. Bu enjamlar ýurduň nebit we gaz guýularynda geçirilýän barlaglaryň hilini has-da ýokarlandyrmaga şert döredýär.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.