Türkmenistan GFR-iň kompaniýalary bilen energetika we beýleki ugurlarda hyzmatdaşlygy işjeňleşdirmäge taýýar
10:53 13.02.2026 1787
Türkmenistana ikitaraplaýyn esasda hem-de «Merkezi Aziýa – Germaniýa» formatynyň çäginde nemes kompaniýalary bilen hyzmatdaşlygy işjeňleşdirmäge taýýardyr. Bu barada Türkmenistanyň daşary işler ministriniň orunbasary Ahmet Gurbanow Germaniýanyň DIM-niň ýolbaşçysy we Merkezi Aziýa ýurtlarynyň daşary syýasat edaralarynyň ýolbaşçylarynyň nemes işewürler jemgyýetiniň wekilleri bilen bilelikdäki duşuşygynda mälim etdi. Bu barada 12-nji fewralda Türkmenistanyň Daşary işler ministrligi öz resmi saýtynda habar berdi.
Hyzmatdaşlygyň geljegi uly ugurlarynyň hatarynda energetika, şol sanda wodorod taslamalary we «ýaşyl transformasiýa», himiýa senagaty, dokma pudagy, oba hojalygy, suw hojalyk ulgamy, maglumat tehnologiýalary we emeli aň görkezildi.
Iň ileri tutulýan ugurlar hökmünde ulag we logistika, demir ýol infrastrukturasyny döwrebaplaşdyrmak, Türkmenbaşy Halkara deňiz portuny ösdürmek, şeýle hem nemes kompaniýalarynyň «Gündogar–Günbatar» we Aziýa bilen Ýewropanyň arasynda Orta ýol ugur boýunça üstaşyr geçelgelerini emele getirmäge gatnaşmagy bellenildi. Maliýe-bank ulgamyndaky hyzmatdaşlyga hem aýratyn üns berildi.
Ahmet Gurbanow şeýle hem Germaniýanyň Federal daşary işler ministriniň Merkezi Aziýa ýurtlarynyň daşary syýasat edaralarynyň ýolbaşçylary bilen duşuşygyna, şeýle-de Germaniýa Federatiw Respublikasynyň Federal Prezidenti Frank-Walter Ştaýnmaýer bilen bilelikdäki duşuşyga gatnaşdy. Duşuşyklarda «Merkezi Aziýa – Germaniýa» formatynyň çäginde hyzmatdaşlygy mundan beýläk-de pugtalandyrmagyň möhümdigi nygtaldy.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.