Balkan welaýatyndaky «Türkmennebitgeofizika» müdirligi meýilnamalary artygy bilen berjaý edýär
12:24 04.03.2026 1954
«Türkmennebit» döwlet konserniniň Balkan welaýatynyň çäginde işleýän «Türkmennebitgeofizika» müdirliginiň bölümlerinde şu ýylyň başyndan bäri ýokary görkezijiler hasaba alynýar. Müdirligiň Balkanabat toplumlaýyn geofiziki ekspedisiýasynyň gazanan üstünlikleri aýratyn bellärliklidir.
2026-njy ýylyň başyndan bäri ekspedisiýanyň hünärmenleri öňde goýlan wezipeleri üstünlikli berjaý edýärler. Olaryň ýerine ýetiren gözleg-barlag we geofiziki işleriniň göwrümi takmynan 2 million 460 müň manada barabar boldy. Bu bolsa bellenilen meýilnamanyň 109,8 göterim ýerine ýetirilendigini aňladýar.
«Türkmennebitgeofizika» müdirliginiň ýerli bölümleri «Türkmennebit» döwlet konserniniň işine saldamly goşant goşýarlar. Birnäçe möhüm wezipeler, şol sanda burawlanan we özleşdirilýän guýularda ýeriň geofiziki gatlaklaryny öwrenmek, şeýle hem zerur çäreleri takyk amala aşyrmak işleri bu bölümiň geofizikleri tarapyndan üstünlikli çözülýär. Hünärmenler ulaglaryň üstünde gurnalan göçme barlaghanalary, şeýle hem öňdebaryjy tehnologiýalary we enjamlary netijeli ulanýarlar diýlip, turkmennebit.gov.tm saýtynda habar berilýär.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.