Ahal welaýatyndaky hususy kärhana polipropilen sapaklarynyň önümçiligini artdyrýar
18:24 06.03.2026 2208
Türkmenistanyň Senagatçylar we telekeçiler birleşmesiniň agzasy bolan «Abraýly dostlar» hususy kärhanasy polimer önümleri bazaryndaky ornuny berkitmegini dowam etdirýär. Kompaniýanyň önümçilik kuwwatlyklary Ahal welaýatynyň Ak bugdaý etrabynyň senagat zolagynda ýerleşýär.
Kärhana «Polyyarn» haryt nyşany bilen ýokary hilli polipropilen sapaklaryny öndürýär we bu ugurda ýurdumyzyň öňdebaryjy öndürijileriniň biri hasaplanýar. Önümçilik ulgamy dört sany çekiji we towlaýjy modullar bilen enjamlaşdyrylyp, döwrebap tehnologiýalaryň kömegi bilen ýokary dykyzlykdaky hem-de berklikdäki sapaklary öndürmäge mümkinçilik berýär.
Önümler üçin zerur bolan çig mal Gyýanlydaky polimer zawodyndan getirilýär we ýerli serişdeleriň ulanylmagy önümiň durnukly hilini hem-de bäsdeşlige ukyplylygyny üpjün edýär. Kärhana ISO 9001, 10002, 14001 we 45001 halkara şahadatnamalaryna eýe bolup, bu ýagdaý öndürilýän önümleriň ýewropa talaplaryna doly laýyk gelýändigini tassyklaýar.
Önümçilikde Awstriýanyň SML kompaniýasynyň enjamlary ulanylýar, hil gözegçiligi bolsa Germaniýanyň ZwickRoell kompaniýasynyň tehnologiýalary bilen enjamlaşdyrylan barlaghanada we ýöriteleşdirilen synag merkezlerinde amala aşyrylýar.
Multifilament sapaklary torly örtükleriň, howpsuzlyk kemerleriniň, plastik turbalaryň, tanaplaryň, süzgüçleriň, haly önümleriniň we haltalaryň önümçiliginde giňden ulanylýar.
Häzirki wagtda kärhana öz önümlerini Türkiýä eksport edýär we geljekde eksport gerimini giňeldip, Ýewropa bazaryna çykmagy meýilleşdirýär. Bu barada «Rysgal» gazeti habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Ýewropa Komissiýasynyň Başlygy “Merkezi Aziýa-ÝB” sammitiniň üstünlikli geçiriljekdigine ynam bildirdiler
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak üçin Özbegistan Respublikasynda iş saparynda bolýan Prezident Serdar Berdimuhamedow Ýewropa Komissiýasynyň Başlygy hanym Ursula fon der Lýaýen bilen duşuşdy diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.
Türkmenistanyň Prezidenti we ÝTÖB-niň ýolbaşçysy hyzmatdaşlygy giňeltmäge gyzyklanma bildirdiler
3-nji aprelde Özbegistanda iş saparynda bolýan Prezidentimiz Serdar Berdimuhamedow Samarkant şäherinde geçiriljek «Merkezi Aziýa — Ýewropa Bileleşigi» görnüşindäki birinji sammitiň çäklerinde Ýewropanyň täzeleniş we ösüş bankynyň ýolbaşçysy hanym Odil Reno-Basso bilen duşuşdy diýip, TDH habar berýär.