Türkmenistanda benziniň öndürilişiniň depgini artýar
10:31 12.03.2026 1620
Türkmenistanda benzin öndürmegiň depginleri yzygiderli ýokarlandyrylýar. Munuň aýdyň subutnamasy hökmünde 2026-njy ýylyň ýanwar-fewral aýlarynda ýurtda benzin öndürmek boýunça meýilnamanyň 122,7 % ýerine ýetirilendigini görkezmek bolar.
Bu ulgamda ýokary ösüş depginleriniň üpjün edilmegi nebiti gaýtadan işleýän zawodlaryň, şeýle hem Ahal welaýatyndaky tebigy gazdan benzin öndürýän zawodyň işiniň netijeliligi bilen gönüden-göni baglydyr. Olaryň netijeli işleri bolsa, öz gezeginde, nebit we gaz çykarmak boýunça bellenen meýilnamalaryň artygy bilen ýerine ýetirilmegi netijesinde mümkin boldy.
Hususan-da, şu ýylyň ilkinji iki aýynda «Türkmennebit» döwlet konserni boýunça nebit çykarmak meýilnamasy 107,3 % ýerine ýetirildi. Nebiti gaýtadan işleýän zawodlarda nebiti gaýtadan işlemek meýilnamasy 107,1 %, dizel ýangyjyny öndürmek meýilnamasy 106,4 %, çalgy ýaglaryny öndürmek meýilnamasy 102,7 %, suwuklandyrylan gaz öndürmek meýilnamasy 119,7 %, tebigy we ugurdaş gazy çykarmak meýilnamasy bolsa 106,7 % boldy.
Bu baradaky giňişleýin maglumatlar Türkmenistanyň Ministrler Kabinetiniň Başlygynyň orunbasary Guwanç Agajanowyň hökümetiň ýakynda geçirilen mejlisindäki hasabatynda beýan edildi. Mejlisiň dowamynda, şeýle hem, ýanwar-fewral aýlarynda nebit we gaz çykarylyşyny artdyrmak hem-de olaryň dünýä bazarlaryna eksport edilýän ýollaryny giňeltmek boýunça alnyp barlan işleriň netijeleri ara alnyp maslahatlaşyldy.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.