Hasabat-saýlaw ýygnagy geçirildi
09:10 17.03.2026 991
Golaýda «Türkmengaz» döwlet konserniniň «Daşoguzgazakdyryş» müdirliginiň Birleşen kärdeşler arkalaşyklarynyň komiteti tarapyndan 2021 — 2025-nji ýyllarda alnyp barlan işleriň hasabat-saýlaw ýygnagy ýokary guramaçylyk ýagdaýynda geçirildi.
Maslahatda çykyş edenler müdirligiň Birleşen kärdeşler arkalaşyklarynyň komiteti tarapyndan ýerine ýetirilen işleri hem-de ýetilen belent sepgitleri, ähli edara-kärhanalarda ruhubelent zähmet çekýän zähmet adamlarynyň talabalaýyk iş orunlarynda öndürijilikli işlemekleri hem-de döwrebap dynç almaklary üçin amatlyklaryň döredilendigini mysallara salgylanmak arkaly buýsanç bilen beýan etdiler.
— Müdirligimiziň önümçilik edaralary gaz gysyjy, gaz arassalaýjy, gaz guradyjy desgalar hem-de elektrosuw üpjünçiligi we elektrohimiýa gorag gullugy ýaly çylşyrymly düzümlerden ybarat. Şol ýerlerde zähmet çekýän işçi-hünärmenleriň howpsuz we amatly iş şertlerinde işlemegini gazanmak, çekilen päk zähmetden soňra medeniýetli dynç alşyny guramak, önümçiligiň öňdebaryjylaryny höweslendiriji baýraklar bilen ruhlandyrmak zähmeti goramak we tehniki howpsuzlyk hünärmenleri bilen birlikde, biz — kärdeşler arkalaşyklary guramalarynyň işgärleriniň möhüm wezipeleri bolup durýar — diýip, müdirligiň Birleşen kärdeşler arkalaşyklary komitetiniň başlygy Berdinazar Meredow öz çykyşynda aýratyn belläp geçdi.
Maslahatyň dowamynda müdirligiň baş inženeri Jemşit Toýlyýew, Kärdeşler arkalaşyklarynyň Daşoguz welaýat birleşmesiniň pudaklar boýunça utgaşdyryjysy Mämmetdurdy Muhammedow, müdirligiň işgärler bölüminiň başlygy Joşgun Annageldiýew, hukuk we resminamalar bölüminiň başlygy Öregylyç Annagylyjow, düýpli gurluşyk boýunça orunbasary Ahmet Garlyýew, ykdysadyýet, zähmet we iş haky bölüminiň 1-nji derejeli ykdysatçysy Aýlar Sapargeldiýewa we önümçilik-tehniki bölüminiň 1-nji derejeli inženeri Akmeňli Jemşidowa dagynyň çykyşlary has-da täsirli boldy.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.