Aşgabatda “Türkmenistan-ÝB” işewürlik forumynda söwdanyň we maýa goýumlarynyň geljegi maslahatlaşylýar
11:54 27.03.2026 1550
26-njy martda Aşgabatdaky «Ýyldyz» myhmanhanasynda döwlet düzümleriniň, işewürlik we halkara guramalaryň wekilleriniň gatnaşmagynda «Özara baglanyşygy berkitmegiň, maýa goýumlary çekmegiň we durnukly ösüşiň täze gözýetimleri» atly işewürlik forumy açyldy.
Bu çäre Halkara söwda merkeziniň (HSM) goldawy bilen ÝB-niň «Global Gateway» başlangyjynyň çäklerinde guraldy.
Forumyň maksatnamasy üç sany mowzuklaýyn paneli öz içine alýar. Birinji mejlisde ÝB bilen Türkmenistanyň arasyndaky ykdysady gatnaşyklary ösdürmek, ýurduň Bütindünýä Söwda Guramasyna (BSG) girmegi baradaky gepleşikleriň barşy, türkmen kiçi we orta telekeçiliginiň Ýewropa bazarlaryna çykyşy ara alyp maslahatlaşylýar. Çärä Germaniýanyň we Fransiýanyň ilçileri, Ýewropa maýa goýum bankynyň (ÝMB), Ykdysady hyzmatdaşlyk we ösüş guramasynyň (YHÖG) wekilleri gatnaşýarlar.
Ikinji mejlis Türkmenistanyň Hazarüsti ulag geçelgesini ösdürmekdäki ornuna, gümrük amallaryny sanlylaşdyrmaga we logistika düzümini kämilleşdirmäge gönükdirildi. Maslahata Ýewropanyň täzeleniş we ösüş bankynyň (ÝTÖB), Ýewropa Komissiýasynyň, GIZ-iň we Türkmenistanyň Logistika assosiasiýasynyň wekilleri gatnaşýar.
Üçünji mejlisde gaýtadan dikeldilýän energiýa çeşmeleri, metanyň zyňyndylaryny azaltmak we halkara maliýeleşdiriş gurallaryny çekmek meseleleri ara alyp maslahatlaşylýar.
Forumyň çäklerinde möhüm resminamalara gol çekilmegi meýilleşdirilýär. Taraplar Türkmenistanyň Energetika ministrligi, «Türkmengaz» döwlet konserni we GIZ-iň arasyndaky özara düşünişmek baradaky Ähtnama goşmaçalar girizmek hakyndaky Teswirnamany resmileşdirerler. Bu resminama 2 million ýewro möçberinde goşmaça maliýe bölüp bermegi we «ÝB Türkmenistanyň ýaşyl ösüşi üçin: Syýasy dialog we klimat boýunça çäreler» taslamasynyň möhletini bir ýyl uzatmagy göz öňünde tutýar.
Forumyň çäklerinde, şeýle hem, işewürlik duşuşyklary geçirilýär we HSM, GIZ hem-de "Expertise France" tarapyndan ÝB-niň goldawy bilen amala aşyrylýan taslamalaryň we türkmen kompaniýalarynyň sergisi guraldy.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.