«Oguzhan» topary uly hasap bilen ýeňiş gazandy
09:10 07.04.2026 1192
16-njy martdan 1-nji aprel aralygynda Aşgabat şäherinde Türkmenistanyň Bedenterbiýe we sport baradaky döwlet komitetiniň sport mekdebiniň 2013 — 2015-nji ýyllarda doglan ýaş türgenleriniň arasynda hokkeý boýunça açyk birinjiligi geçirildi. Gyşky oýunlar sport toplumynda geçirilen açyk birinjilikde «Türkmengaz» DK-nyň «Türkmengazawtomatika» müdirliginiň «Oguzhan» hokkeý kluby güýçli oýunlary bilen garşydaş toparlardan tapawutlandy. Ýaryşa ýokary derejede taýýarlykly gelen «Oguzhan» topary Türkmenistanyň Syýahatçylyk we sport baradaky döwlet komitetiniň «Bürgüt» hokkeý topary bilen finala çykdy. Jemleýji duşuşykda «Oguzhanyň» erjel türgenleri «Bürgüt» hokkeý toparyndan uly hasap (17:2) bilen üstün çykyp, 1-nji ýeri eýelediler.
Açyk birinjiligiň netijesi boýunça «Oguzhanyň» türgenlerinden Begli Gurbangulyýew, Ýunus Amandurdyýew, Ybraim Gaýlyýew dagy ussat oýunçylar, Rahman Ymamgulyýew iň gowy derwezeçi, garşydaşlarynyň derwezesine 39 şaýba girizmegi başaran Yslam Ataýew iň köp şaýba geçiren netijeli oýunçy diýlip yglan edildi.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.