Türkmenistanyň Prezidenti Mary welaýatyna iş saparyny amala aşyrdy
12:30 10.04.2026 1628
Ýakyn günlerde «Galkynyş» gaz känini özleşdirmegiň dördünji tapgyryna badalga berler. Bu barada Türkmenistanyň Prezidenti Serdar Berdimuhamedow Mary welaýatyna amala aşyran iş saparynyň dowamynda mälim etdi diýip, 9-njy aprelde Orient agentligi habar berdi.
Döwlet Baştutany bu baradaky beýanaty Mary welaýatynyň Ýolöten etrabynyň çäginde guruljak täze, döwrebap şäherçäniň düýbüni tutmak dabarasyndaky çykyşynda aýtdy. Täze şäherçäniň taslamasy özüniň gerimi bilen haýran galdyrýar: gurluşyk meýdany 800 gektardan gowrak bolup, ýaşaýyş jaý gaznasy 22,5 müňden gowrak adamyň ýaşamagyna niýetlenen 4,5 müň sany amatly öýleri öz içine alýar. Obada dolandyryş binalary, orta mekdepler we çagalar baglary, saglyk merkezleri, medeniýet öýi we metjit, döwrebap inženerçilik ulgamlary hem-de kommunikasiýalar gurlar.
Türkmenistanyň Prezidenti raýatlary elýeterli we amatly ýaşaýyş jaýlary bilen üpjün etmegiň döwlet syýasatynyň ileri tutulýan ugry bolup durýandygyny nygtady. Ýolöten etrabyndaky täze şäherçäniň gurluşygy «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň durmuş-ýaşaýyş şertlerini özgertmek boýunça 2028-nji ýyla çenli döwür üçin Milli maksatnamasynyň» çäklerinde alnyp barylýar. Bu taslama geçen ýyl açylan nusgalyk «Döwletli mekan», «Bagtly zamana» we «Bitaraplyk» şäherçeleriniň hataryna goşular.
Döwlet Baştutany Mary welaýatynyň ösüşiniň diňe ýaşaýyş jaý gurluşygy bilen çäklenmeýändigini belledi. Sebit güýçli senagat ösüşini görkezýär we ýakyn günlerde ýene bir taryhy ähmiýetli taslama — «Galkynyş» gaz känini özleşdirmegiň dördünji tapgyryna badalga berler.
Türkmenistanda jemi içerki önümiň ösüşi ýanwar-fewral aýlarynda 6,2% derejesinde galdy
Türkmenistanyň ykdysadyýetinde jemi içerki önümi öndürmek boýunça görkezijiler ýylyň başyndaky ýaly, ýagny 6,2 göterim möçberde saklanýar. Bu barada Gurbanguly Berdimuhamedow geçen iki aýda milli ykdysadyýetimiziň pudaklarynyň işiniň netijelerine bagyşlanan mejlisde belledi.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.
Hökümet mejlisinde nebitgaz toplumynyň ýanwar-fewral aýlarynda işiniň netijeleri maslahatlaşyldy
Prezident Gurbanguly Berdimuhamedowyň geçen anna güni sanly ulgam arkaly geçiren Hökümet mejlisinde şu ýylyň geçen iki aýynda ýurdumyzyň ykdysadyýetiniň pudaklarynda alnyp barlan işleriň jemleri jemlenildi.
Türkmenistanyň we Beýik Britaniýanyň diplomatlary ikitaraplaýyn hyzmatdaşlygy we Ýakyn Gündogardaky ýagdaýy maslahatlaşdylar
Türkmenistanyň daşary işler ministriniň orunbasary Ahmet Gurbanow Birleşen Patyşalygyň Ýewropa, Demirgazyk Amerika we deňiz aňyrsy çäkler boýunça döwlet ministri Stiwen Dauti bilen telefon arkaly söhbetdeşlik geçirdi diýip, Türkmenistanyň DIM-niň saýtynda habar berilýär.
Ýylyň iki aýynyň jemlerine garaldy
Şu gün Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň ýanwar-fewral aýlarynda ýerine ýetirilen işleriň jemine bagyşlanan hasabat ýygnagy geçirildi. Onda 4-nji martda hormatly Prezidentimiz Gurbanguly Berdimuhamedowyň milli ykdysadyýetimiziň pudaklarynda şu ýylyň iki aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.