Türkmenistan we Hytaý gaz pudagy üçin tehnikalary we enjamlary satyn almakda hyzmatdaşlygy ösdürmegi meýilleşdirýär
16:34 02.05.2026 1318
29-njy aprelde Söwda-senagat edarasynda Türkmen-hytaý işewürler forumy geçirildi. Onuň dowamynda Türkmenistan bilen Hytaýyň arasynda dürli ugurlarda özara bähbitli hyzmatdaşlygy mundan beýläk-de ösdürmegiň meseleleri ara alnyp maslahatlaşyldy.
«Türkmengaz» döwlet konserniniň başlygynyň orunbasary Myrat Arçaýew forumda çykyş edip, Türkmenistanyň gaz pudagynda Hytaý bilen hyzmatdaşlygy ösdürmäge, şol sanda tehnika we enjamlary getirmek hem-de önümçilik amallaryny sanlylaşdyrmak ugruna uly ähmiýet berýändigini belledi.
Ol hytaýly kompaniýalar üçin amaly ähmiýeti bolan ugurlaryň arasynda konserniň kärhanalary üçin tehnika, enjam we serişdeleriň üpjünçiligini aýratyn görkezdi.
M.Arçaýew hytaýly öndürijileriň «Türkmengaz» döwlet konserniniň taslamalarynda eýýäm möhüm orun tutýandygyny belläp, TOPH gaz geçirijisiniň Owganystan böleginiň gurluşygyny muňa mysal getirdi. Bu taslamada 200-den gowrak ýöriteleşdirilen gurluşyk tehnikasy ulanylýar we olaryň agramly bölegi hytaý öndürijileri tarapyndan getirilipdir. Bu tejribe hytaý tehnikasynyň türkmen taslamalarynyň iň çylşyrymly şertlerinde üstünlikli işleýändigini subut edýär.
Hyzmatdaşlygyň geljegi uly bolan ugurlary hökmünde agyr gurluşyk we ýer gazyjy tehnikalaryň üpjünçiligi; buraw enjamlary we pürkülmä garşy ulgamlar; magistral gaz geçirijiler üçin uly diametrli turba önümleri; gazy taýýarlamak we gaýtadan işlemek desgalary üçin tehnologik enjamlar; kebşirleýiş we izolýasiýa serişdeleri ýaly ugurlar görkezildi.
Şu nukdaýnazardan, Myrat Arçaýew hytaýly kompaniýalary konsern tarapyndan geçirilýän bäsleşiklere işjeň gatnaşmaga çagyrdy.
Şeýle hem, sanlylaşdyrmak ulgamynda guýulary wagtly-wagtynda gözegçilikde saklaýan ulgamlary, dolandyryşyň awtomatlaşdyrylmagyny we känleri dolandyrýan utgaşdyrylan platformalary döretmekde uly mümkinçilikleriň bardygyny nygtady.
«Biz synag taslamalaryny durmuşa geçirmäge we şowly çözgütleri giňden ornaşdyrmaga açykdyrys» diýip, konserniň ýolbaşçysynyň orunbasary sözüniň üstüni ýetirdi.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.