Türkmenistan bilen Hytaýyň arasynda nebit pudagynda tehnologik hyzmatdaşlyk berkidilýär
16:33 02.05.2026 388
Türkmen-hytaý işewürler forumynda çykyş eden «Türkmennebit» döwlet konserniniň başlygynyň orunbasary Batyr Jumaýew nebitgaz pudagynyň ýurduň ykdysadyýetindäki we Hazar sebitindäki ähmiýetine ünsi çekdi.
Bellenilişi ýaly, Türkmenistanyň önümçilik döwri çig maly çykarmakdan başlap, gaz kondensatyny çuňňur gaýtadan işlemäge çenli ähli tapgyrlary öz içine alýar. Pudagyň öňdebaryjylary bolan Türkmenbaşydaky nebiti gaýtadan işleýän zawodlar toplumy we Seýdidäki nebiti gaýtadan işleýän zawod içerki bazary doly üpjün etmäge hem-de ýokary hilli önümleri eksport etmäge mümkinçilik berýär.
Şu günki günde türkmen-hytaý hyzmatdaşlygynyň çäginde 29 sany şertnama durmuşa geçirilýär. Türkmenistan energetika maşyn gurluşygy üçin döwrebap hytaý enjamlaryny we ýöriteleşdirilen tehnikalary yzygiderli satyn alýar, bu bolsa konserniň önümçilik kuwwatynyň tehniki taýdan kämilleşmegine ýardam edýär.
Batyr Jumaýew Hytaýyň «Sinopec» nebit-himiýa korporasiýasynyň halkara nebit serwis kompaniýasynyň işini aýratyn nygtady. Serwis şertnamasynyň çäginde bu kompaniýa guýulary düýpli abatlamak we täzeden dikeltmek; gapdal sütünleri burawlamak we ýapgyt ugrukdyrylan buraw işleri; guýy düýbi zolagyny berkitmek we suw izolýasiýa ýaly işleri ýerine ýetirýär. Bu ýokary tehnologiýaly işleriň netijesinde täze çykarylan nebitiň mukdary 900 müň tonnadan geçdi, bir gije-gündizdäki nebit çykaryşy bolsa 1,5 müň tonnadan gowrak derejä ýetdi.
B.Jumaýew hytaýly kompaniýalaryň türkmen bazaryna bolan gyzyklanmasyny we bilelikdäki taslamalaryň ýokary netijeliligini aýratyn belledi. Hytaý Halk Respublikasyndan bolan esasy hyzmatdaşlar bilen gatnaşyklar özara bähbitli ösüş üçin berk binýat döredip, iki ýurduň hem energetika gepleşiginiň gerimini giňeltmäge mümkinçilik berýär.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Gurbanguly Berdimuhamedow «Türkmenistan — ABŞ» işewürlik geňeşiniň ýolbaşçysy bilen hyzmatdaşlygyň ileri tutulýan ugurlaryny maslahatlaşdy
Penşenbe güni Prezident Gurbanguly Berdimuhamedow bilen “Türkmenistan — ABŞ” işewürlik geňeşiniň Ýerine ýetiriji direktory Erik Stýuartyň arasynda geçirilen telefon arkaly söhbetdeşlikde türkmen-amerikan söwda-ykdysady gatnaşyklarynyň häzirki ýagdaýy we geljegi ara alnyp maslahatlaşyldy diýip, TDH agentligi habar berýär.