Türkmenistanda ECO-93 benzininiň önümçiligi artýar
16:35 02.05.2026 1170
Türkmenistanda Ahal welaýatynyň Gökdepe etrabynyň çäginde ýerleşýän tebigy gazdan benzin öndürýän zawodda 2026-njy ýylyň ilkinji üç aýynda ýokary önümçilik görkezijileri gazanyldy.
Şu ýylyň ýanwar-mart aýlarynda kärhanada 153 million 610 müň manada golaý önüm öndürildi. «Türkmenistan» gazetiniň habar bermegine görä, bu görkeziji geçen ýylyň degişli döwri bilen deňeşdirilende, önümçilik depgininiň 217,1 göterime, ýagny iki esse we ondan hem köp ýokarlanandygyny görkezýär.
Zawodyň esasy önümi tebigy gazy gaýtadan işlemek arkaly alynýan ECO-93 kysymly benzindir. Hasabat döwründe kärhanada öndürilen, ýokary hilli we ekologik talaplara doly laýyk gelýän bu önümler baglaşylan şertnamalar esasynda sarp edijilere ugradyldy.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.