Türkmenistan we Germaniýa energetika, ulag, maýa goýumlar ulgamynda hyzmatdaşlygyň geljegini maslahatlaşdylar
12:05 16.07.2026 107
Aşgabatda Türkmenistanyň daşary işler ministriniň orunbasary Mähri Bäşimowanyň Germaniýanyň ykdysadyýeti boýunça Gündogar komitetiniň ýerine ýetiriji direktory Mihael Harms bilen duşuşygynda türkmen-nemes söwda-ykdysady gatnaşyklaryny çuňlaşdyrmagyň geljegi ara alnyp maslahatlaşyldy. Bu barada 15-nji iýulda Türkmenistanyň Daşary işler ministrliginiň resmi saýtynda habar berilýär.
Söhbetdeşligiň barşynda taraplar Türkmenistan bilen Germaniýanyň arasyndaky dostlukly gatnaşyklaryň ýokary derejesini bellediler. Daşary işler ministrliginiň nygtaýşy ýaly, taraplar söwda-ykdysady aragatnaşyklary çuňlaşdyrmaga aýratyn üns berdiler.
Şunuň bilen baglylykda, Türkmenistanyň senagat pudagyny döwrebaplaşdyrmakda öňdebaryjy nemes tehnologiýalaryny ornaşdyrmagyň mümkinçilikleri garaldy.
Şeýle hem däp bolan energetika pudagynda, gaýtadan dikeldilýän energiýa çeşmelerini ornaşdyrmakda we suw serişdelerini rejeli peýdalanmakda hyzmatdaşlygyň mümkinçilikleri ara alnyp maslahatlaşyldy.
Türkmenistanyň esasy logistika merkezi hökmündäki ýokary kuwwaty bellenilip, infrastrukturasyny ösdürmek boýunça bilelikdäki taslamalara bolan gyzyklanma beýan edildi.
Taraplar bilelikdäki maýa goýum taslamalaryny goldamak üçin Germaniýanyň maliýe institutlary bilen özara hereketleri berkitmegiň ýollaryny hem kesgitlediler.
Duşuşygyň ahyrynda taraplar dialogy mundan beýläk-de giňeltmäge ikitaraplaýyn ygrarlydyklaryny tassykladylar.
Pekin we Aşgabat arassa energetika we “akylly şäher” ulgamlarynda hyzmatdaşlygyň geljegini maslahatlaşdylar
16-njy iýulda Türkmenistanyň Senagat we gurluşyk önümçiligi ministrliginiň wekiliýeti Pekindäki Tongfang Co., Ltd. öňdebaryjy hytaý kompaniýasynyň baş edarasynda geçirilen duşuşykda sanly tehnologiýalar, akylly energetika we “akylly şäherler” ulgamyndaky hyzmatdaşlygyň ösdürilişi baradaky meseleler maslahatlaşyldy. Bu barada Türkmenistanyň habarlar portaly habar berýär.
Türkmenistanyň Prezidenti Ýewropa Bileleşiginiň komissary bilen hyzmatdaşlygyň geljegini maslahatlaşdy
Türkmenistan Ýewropa Bileleşigi bilen syýasy-diplomatik, söwda-ykdysady, medeni-ynsanperwer ugurlarda hyzmatdaşlyk etmäge uly ähmiýet berýär diýip, Prezident Serdar Berdimuhamedow Ýewropa Bileleşiginiň halkara hyzmatdaşlyk boýunça Ýewropa komissary hanym Ýutta Urpilaýnen bilen duşuşygynda aýtdy. Muny TDH ýetirýär.
«Gumdagnebit» nebitgaz çykaryş müdirligi: ýanwar-iýul aýlarynda 330,5 müň tonna nebit çykaryldy
Şu ýylyň ýedi aýynda «Türkmennebit» döwlet konserniniň «Gumdagnebit» nebitgaz çykaryş müdirliginiň hünärmenleri Türkmenistanyň iň irki känleriniň birinden 330,5 müň tonna «gara altyny» çykardylar we gaýtadan işlemäge iberdiler. Munuň özi hasabat döwri üçin önümçilik meýilnamasynyň 112% töweregine deňdir.
Türkmenistan we Argentina 2025-nji ýylda bilelikdäki işewürlik- forumyny geçirer
Türkmen tarapy 2025-nji ýylda Aşgabatda Türkmen-argentin işewürlik forumyny gurmagy teklip etdi. Bu barada 3-nji oktýabrda wideoaragatnaşyk ulgamy arkaly iki ýurduň daşary syýasat edaralarynyň düzüm bölümleriniň ýolbaşçylarynyň derejesinde Türkmenistan bilen Argentina Respublikasynyň arasyndaky üçünji syýasy geňeşmelerde aýdyldy.
Hazaryň kenarynda tomusky dynç alyş möwsümi
Şu günlerde Balkanabadyň Hazar şäherçesiniň golaýynda Hazar deňziniň kenarynda ýerleşýän “Gara altyn” çagalar sagaldyş merkezinde ýurdumyzyň nebitgaz toplumynda zähmet çekýän işgärleriň çagalary tomusky dynç alşyny geçirýärler.