Daşoguz welaýatynyň gaz geçirijilerine bökdençsiz hyzmat edilýär
20:02 26.03.2021 7722
«Daşoguzgazüpjünçilik» müdirliginiň «S.Türkmenbaşyetrapgaz» gaz hojalyk kärhanasynyň zähmetkeşleri sarp ediş nokatlarynda tebigy gazdan tygşytly we howpsuz peýdalanmak boýunça bellenilen işleri guramaçylykly alyp barýarlar.
Etrabyň ilatyny, senagat, oba hojalyk we jemagat hojalyk kärhanalaryny tebigy gaz bilen bökdençsiz üpjün etmek bilen bir hatarda bu edara 21 müň 600 sany ýaşaýyş jaýlaryna hyzmat edýär. Kärhananyň hünärmenleri tebigy gazdan rejeli hem howpsuz peýdalanmak boýunça ilat arasynda wagyz-nesihat işlerini yzygiderli geçirýärler.
Geçen ýylda «Türkmengazüpjünçilik» birleşiginiň Daşoguz welaýatyny gaz bilen üpjün etmek boýunça gurluşyk-gurnama müdirliginiň işgärleri tarapyndan geňeşlikleriň obalaryny gaz bilen üpjün etmek boýunça işler ýerine ýetirildi. Gaz geçirijileriň uzynlygy müňlerçe kilometre ýetýär. Olaryň gurluşygynda 159 mm diametrli turbalar ulanyldy.
Şeýle hem gaz hojalyk kärhanasynda desgalara we gaz üpjünçilik torlaryna hyzmat etmek üçin dispetçer gullugy hereket edýär. Sargytlar boýunça baryp hyzmat etmek üçin zerur bolan enjamlar we gurallar bilen enjamlaşdyrylan ýöriteleşdirilen awtomobiller ulanylýar.
Talaplara laýyklykda, umumy uzynlygy 2 müň 440 km bolan ýokary, orta we aşak basyşly gaz geçirijilerine we 670-den gowrak gaz sazlaýjy we gaz paýlaýjy torlara hyzmat we gözegçilik amala aşyrylýar.
Gazanylan netijeler ilaty tebigy gaz bilen üznüksiz üpjün etmekde gazçylaryň sazlaşykly işiniň netijesidir.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.