Russiýa Türkmenistan bilen ykdysady hyzmatdaşlygy ösdürmäge gyzyklanma bildirýär — M.Mişustin
22:38 05.05.2021 7025
Russiýa Türkmenistan bilen dostlukly, hoşniýetli goňşuçylyk, hyzmatdaşlyk, özara ykdysady ösüş gatnaşyklaryny berkitmäge gyzyklanma bildirýär. Bu barada Russiýanyň Premýer-ministri Mihail Mişustin 29-30-njy aprelde Kazande geçirilen Ýewraziýa hökümetara geňeşiniň mejlisi tamamlanandan soň, Türkmenistanyň wise-premýeri Serdar Berdimuhamedow bilen geçiren duşuşygynda belledi. Bu barada Interfaks habar berýär.
Pandemiýa garamazdan, Türkmenistan bilen özara haryt dolanyşygynyň düýpli ösüşiniň gazanylandygyny bellemek bilen, Mişustin geljegi uly bilelikdäki taslamalary gaýtadan işe girizmek üçin şertleri döretmegiň zerurdygyny nygtady.
Russiýanyň premýer-ministriniň aýtmagyna görä, Moskwa «ikitaraplaýyn gatnaşyklara täzeçe itergi bermek, ykdysadyýetiň dürli ugurlarynda geljegi uly bilelikdäki taslamalary we başlangyçlary gaýtadan işe girizmek üçin zerur şertleri döretmek» isleýär. Mişustiniň baha bermegine görä, iki döwlet «dünýädäki hadysalara we çşkgünlige garamazdan, söwda ulgamynda düýpli öňegidişlik gazandy».
Ol rus statistikasynyň maglumatlaryny getirdi. Olara laýyklykda, özara haryt dolanyşygy 2019-njy ýyl bilen deňeşdireniňde 40% artdy. «Bu soňky bäş ýyl üçin rekord görkezijidir. Türkmenistanda öňdebaryjy rus kompaniýalary üstünlikli iş alyp barýar, maşyngurluşygynda, ulag infrastrukturasynda, nebitgaz toplumynda, oba hojalygynda, telekommunikasiýa ulgamynda bilelikdäki iri taslamalar durmuşa geçirilýär» - diýip Mişustin belledi.
«Lukmançylyk we sanitar-epidemiologik ulgamlarda hyzmatdaşlyk ileri tutulýan ugurlaryň hatarynda durýar» - diýip RF-niň Hökümet baştutany belledi. Ol «bilim ulgamynda hyzmatdaşlygyňüstünlikli ösdürilýändigini, Russiýada bilim alýan türkmen talyplarynyň sanynyň barha artýandygyny, häzir olaryň 30 müňden geçýändiginiј belledi.
Öz gezeginde, Serdar Berdimuhamedow Kazanda duşuşmaga çakylyk üçin minnetdarlyk bildirdi. «Türkmenistan bu gün Ýewraziýa hökümetara geňeşiniň mejlisine ilkinji gezek hormatly myhman hökmünde gatnaşdy. Bu duşuşygyň ikitaraplaýyn bolşy ýaly, köptaraplaýyn esasda özara bähbitli hyzmatdaşlyk üçin täze itergi berjekdigine ynanýarys» diýip ol belledi.
Wise-premýeriň belleýşi ýaly, «Türkmenistan Russiýa Federasiýasy bilen hyzmatdaşlyga uly ähmiýet berýär, gatnaşyklaryň depginli ösmeginiň esasy şerti iki ýurduň Prezidentleriniň arasyndaky açyklyk, dostlukly syýasy gatnaşyklar». Ol şeýle hem özara gatnaşyklaryň ähli ugurlar boýunça ösýändigini nygtady.
Türkmenistanyň Döwlet habarlar agentliginiň habar bermegine görä, duşuşygyň barşynda bilelikdäki Hökümetara toparyň hyzmatdaşlyk meselelerini çözmekde hem-de onuň geljegi uly bolan ugurlaryny işläp düzmekde eýeleýän ähmiýetli orny bellenildi. Bir aý mundan öň türkmen wekiliýetiniň Moskwa şäherine bolan iş saparynyň jemleriniň köpýyllyk özara gatnaşyklara täze itergi berendigi bellenildi. Onuň çäklerinde russiýaly kärdeşler bilen duşuşyklaryň 60-dan gowragy geçirilip, ikitaraplaýyn resminamalaryň 10-dan köprägine gol çekildi.
Türkmenistanyň Russiýa Federasiýasy bilen daşary söwda dolanyşygynyň möçberiniň geçen ýyl ABŞ-nyň 1 milliard 380 million dollaryna golaý bolandygy bellärliklidir.
Türkmenistanyň hem-de RF-niň Tatarystan Respublikasy, Astrahan oblasty, Sankt-Peterburg şäheri ýaly iri sebitleriniň arasyndaky hyzmatdaşlyga sazlaşykly häsiýet mahsusdyr.
Serdar Berdimuhamedow «Merkezi Aziýa – Russiýa» Sammitine we GDA-nyň Döwlet Baştutanlarynyň Geňeşine gatnaşmak üçin Gazagystana bardy
Türkmenistanyň Prezidenti Serdar Berdimuhamedow GDA döwlet Baştutanlarynyň geňeşiniň nobatdaky mejlisine hem-de «Merkezi Aziýa – Russiýa» Sammitine gatnaşmak üçin we döwlet sapary bilen Gazagystan Respublikasyna bardy. Şenbe güni Türkmenistanyň Baştutanynyň Gazagystan Respublikasyna döwlet saparynyň maksatnamasy başlanar diýip, Türkmenistanyň Döwlet habarlar agentligi habar berýär.
15-nji «Merkezi Aziýa – Koreýa Respublikasy» hyzmatdaşlyk Forumyna taýýarlyk maslahatlaşyldy
Çarşenbe güni Merkezi Aziýanyň we Koreýa Respublikasynyň daşary syýasat edaralarynyň ýolbaşçylarynyň orunbasarlarynyň derejesinde geçirilen wideoaragatnaşyk görnüşindäki duşuşykda 15-nji «Merkezi Aziýa–Koreýa Respublikasy» hyzmatdaşlyk Forumyna (MA-KR) taýýarlyk görmek meseleleri maslahatlaşyldy. Bu barada Türkmenistanyň DIM-niň saýty habar berýär.
Türkiýe Türkmenistanyň tebigy gazynyň Ýewropa üstaşyr geçirilmegini üpjün etmäge taýýar
Berlinde geçirilýän IV Türk-german energetika forumynyň dowamynda Türkiýäniň energetika we tebigy serişdeler ministri Fatih Dönmez Türkiýäniň türkmen tebigy gazyny ýewropa bazarlaryna üstaşyr geçirmäge taýýardygyny we munuň üçin mümkin bolan ähli zatlary etjekdigini beýan etdi. Bu barada Anadolu agentligi habar berýär.
TNGIZT-niň nebit önümlerini eksport we marketing müdirligi işini bes etdi
«Türkmennebit» döwlet konserniniň Türkmenbaşynyň nebiti gaýtadan işleýän zawodlar toplumynyň nebit önümlerini eksport we marketing müdirligi işini bes etdi. Bu barada «Нейтральный Туркменистан» gazetiniň sahypalarynda habar berildi.
Türkmenistanyň DIM-niň ýolbaşçysy we Singapuryň premýer-ministriniň kanselýariýasynyň ministri özara gatnaşyk meselelerini maslahatlaşdylar
Türkmenistanyň Daşary işler Ministri Raşid Meredowyň Singapuryň Premýer-ministriniň edarasynyň Ministri Mohamad Maliki bin Osmanyň ýolbaşçylygyndaky wekiliýet bilen duşuşygynyň barşynda halkara we ikitaraplaýyn hyzmatdaşlygyň ileri tutulýan meseleleri maslahatlaşyldy diýip, türkmen DIM-niň saýty habar berýär.