Žurnalyň täze sany çap edildi
11:52 23.06.2021 6515
«Türkmennebit» döwlet konserniniň «Türkmenistanyň nebiti, gazy we mineral serişdeleri» atly syýasy-jemgyýetçilik, ylmy-publisistik žurnalynyň «Türkmenistan — parahatçylygyň we ynanyşmagyň Watany» ýylyndaky nobatdaky sany çap edildi. Žurnalyň ilkinji makalasy ýurdumyzyň nebitgaz pudagyna maýa goýumlaryny çekmek boýunça Türkmenistanyň Söwda-senagat edarasynda geçirilen halkara forumyň işine bagyşlanypdyr. Makalada işewür hyzmatdaşlygyň ähmiýeti, nebitgaz toplumynyň düzümleriniň üstünlikleri we geljegi beýan edilýär.
Türkmenistanyň Daşary işler ministrliginiň Halkara gatnaşyklary institutynyň rektory, taryh ylymlarynyň kandidaty Jumamyrat Gurbangeldiýewiň «Global energetika bazary hem-de Türkmenistanyň öňe süren iri taslamalary» atly syýasy-publisistik makalasynda Türkmenistanyň dünýäniň global bazarynda ornuny has-da berkitmek üçin gaz geçirijileriň ugruny diwersifikasiýa etmekde amala aşyrýan anyk taslamalary görkezilýär. Hususan-da, olaryň arasynda demirgazyk, gündogar, günorta, Ýewropa ugurlary tapawutlandyrylýar. Işde agzalan ugurlaryň şu güni, geljegi, amala aşyrylan we durmuşa geçirilýän taslamalar düýpli seljerilýär.
Ýagşygeldi Kakaýew adyndaky Halkara nebit we gaz uniwersitetiniň uly mugallymy, tehniki ylymlaryň kandidaty Arslan Geldimyradowyň we şol ýokary okuw mekdebiniň mugallymy Daýançmyrat Çopanowyň ylmy esaslandyrmalara daýanýan makalasynda tebigy gaz arassalanylanda emele gelýän kükürdi peýdalanmagyň mümkinçilikleri derňelýär. Tebigy kükürdiň emele gelşi, ýerleşişi, kükürt önümçiligi üçin gazlaryň ulanylyşy, kükürdiň görnüşlere bölünişi anyklanylýar.
Ýagşygeldi Kakaýew adyndaky Halkara nebit we gaz uniwersitetiniň professory, tehniki ylymlaryň doktory Hojanepes Ýowjanowyň makalasy «Himiýa ylmy we tehnologiýalary täzeçe ösüşlere gönükdirilýär» diýlip atlandyrylýar. Žurnalyň nobatdaky sanynda neşir edilen bu işde gaz we nebithimiýa, magdan, gidromineral çig mal serişdeleriniň känlerini netijeli ulanmak hakynda derwaýys gürrüň gozgalýar. Şunda tebigy gazda, nebitde, Köýtendag sebitiniň magdanlarynda, Garabogazyň şerebeli suwlarynda, ýerasty ýokary minerallaşan ýod-brom, nebit-gaz ugurdaş suwlarynda, tebigy alýumosilikatlarda we beýleki çig mal serişdelerinde senagat taýdan alynmaga laýyk gelýän gymmatly magdanlar barada alymyň pikirleri, derňewleriniň ylmy netijeleri beýan edilýär.
«Türkmengaz» DK-nyň «Türkmenaragatnaşyk» müdirliginiň önümçilik-tehniki bölüminiň başlygy Rahat Akmyradowyň işinde hem häzirki döwrüň möhüm meselesinden, ýagny Türkmenistanyň nebitgaz pudagynda türkmen emeli hemrasynyň geljeginden söhbet açylýar. Kosmiki geologiýanyň ulanylmagy Ýeriň üstüni öwrenmäge hem-de uglewodorod we beýleki gazylyp alynýan peýdaly baýlyklary gözlemäge mümkinçilik berer.
Žurnalyň beýleki makalalary hem döwrüň wajyp meselelerinden gürrüň açýar. Olar hem okyjylaryň ünsüni çeker diýip pikir edýäris.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.