Bäsleşigiň jemi jemlenildi
10:57 20.09.2021 6451
Jemgyýetçilik guramalarynyň merkezi edara binasynda mukaddes Garaşsyzlygymyzyň 30 ýyllygy mynasybetli hem-de «Nebit-gaz» gazetiniň döredilmeginiň 10 ýyllygyna bagyşlanyp, yglan edilen «Nurly şuglasyny saçyp äleme — Garaşsyzlyk bagt getirdi ilime» atly bäsleşigiň jemi jemlenildi. Türkmenbaşydaky nebiti gaýtadan işleýän zawodlar toplumynyň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň «Nebit-gaz» gazeti bilen bilelikde guran baýramçylyk dabarasyna degişli toplumyň düzümleriniň işgärleri, Ýagşygeldi Kakaýew adyndaky Halkara nebit we gaz uniwersitetiniň mugallymlary, jemgyýetçilik guramalarynyň wekilleri gatnaşdy.
Mälim bolşy ýaly, bu bäsleşik «Türkmenistan — parahatçylygyň we ynanyşmagyň Watany» ýylynyň 12-nji ýanwarynda ýurdumyzyň ösüşlerini, rowaçlyga beslenýän halkara abraýyny, nebitgaz toplumynyň pudaklarynda gazanylan belent sepgitleri, häzirki wagtda eýelenýän nusgalyk zähmet görkezijilerini beýan edýän makalalary, fotoreportažlary, goşgulary çap edip, okyjylara ýetirmek maksady bilen nebitgaz toplumynyň işgärleriniň arasynda yglan edilipdi. Geçen döwürde bäsleşige gatnaşan awtorlaryň döredijilik işleri yzygiderli neşir edildi. «Nebit-gaz» gazetiniň açylan döwründen bäri Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşi tarapyndan toplumyň iri pudaklary bilen bilelikde guramaçylykly geçirilýän şunuň ýaly bäsleşikler okyjylary höweslendirýär we döredijilige ruhlandyrýar.
Bu sapar geçirilen bäsleşige hem nebitgazçylaryň ençemesi işjeň gatnaşdy. Olaryň arasynda gazetimiz bilen ýakyn aragatnaşyk saklan täze awtorlaryň hem bardygyny bellemelidir. Her niçik-de bolsa ýaryşyň özüne mahsus aýratynlyklary, şertleri, düzgünleri bolýar. Şol şertlere laýyklykda, has tapawutlananlar ýüze çykarylyp, dabaranyň dowamynda ýeňijiler yglan edildi. Netijede, «Nebi-gaz» gazetiniň redaksiýasynyň web-saýtynyň uly hünärmeni Penji Hudaýgulyýew, «Türkmengeologiýa» döwlet korporasiýasynyň esasy hünärmeni Güller Orazowa, Ýagşygeldi Kakaýew adyndaky Halkara nebit we gaz uniwersitetiniň mugallymy Seýilbaý Sopyýew 1-nji orny, «Türkmengaz» döwlet konserniniň esasy hünärmeni Mähri Mämmedowa, «Türkmengaz» döwlet konserniniň Ylmy-barlag tebigy gaz institutynyň burawlaýyş bölüminiň guýulary ýuwuş we berkitme erginleri laboratoriýasynyň inženeri Merdan Durdyýew, Ýagşygeldi Kakaýew adyndaky Halkara nebit we gaz uniwersitetiniň mugallymy Myratmuhammet Myradow 2-nji ýeri, «Nebit-gaz» gazetiniň gazet düzüjisi Ata Ataýew, «Türkmengaz» döwlet konserniniň Ylmy-barlag tebigy gaz institutynyň uly ylmy işgäri Orazsähet Baýramow, Ýagşygeldi Kakaýew adyndaky Halkara nebit we gaz uniwersitetiniň kafedra müdiri Eziz Annataganow 3-nji orny eýeledi.
Döredijilik bäsleşiginde ýeňiş gazanan ähli ýeňijiler Hormat hatlary we hormatly Prezidentimiziň adyndan guramaçylaryň gymmatbaha sowgatlary bilen sylaglanyldy.
Soňra baýramçylyk dabarasy «Türkmengaz» DK-nyň Medeni-işewürlik merkeziniň sungat ussatlarynyň aýdym-saz çykyşlary bilen dowam etdi. Joşgunly, belent heňde ýaňlanan aýdymlarda Berkarar döwletimiziň bagtyýarlyk döwrüniň waspy ýetirildi. Uly ruhubelentlikde şatlyk-şowhuna beslenip geçen döredijilik bäsleşiginiň ahyrynda «Nebit-gaz» gazetiniň döredilmeginiň 10 ýyllygy mynasybetli redaksiýanyň işgärlerine Türkmenbaşydaky nebiti gaýtadan işleýän zawodlar toplumynyň we Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň sowgatlary gowşuryldy.
Halkymyzyň ýagşy niýetlerde baýramçylyk ruhuna beslenýän günlerinde, kalbyňy ganatlandyrýan şatlykly pursatlarda ýeňijileri sylag-serpaýlary bilen tüýs ýürekden gutlaýarys we olara geljekde hem üstünlik arzuw edýäris.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.
Türkmenistanyň Prezidenti “Türkmengaz”, “Türkmennebit” DK-laryň gurluş düzümini kämilleşdirmek işlerini dowam etdirmegi tabşyrdy
20-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.