ÝB-niň ilçisi: Türkmenistan 2050-nji ýyla çenli Ýewropa tebigy gaz iberip biler
14:07 05.12.2021 6700
Türkmenistanda 2050-nji ýyla çenli Ýewropa bazaryna tebigy gaz ibermäge mümkinçilik bar. Bu barada Ýewropa Bileleşiginiň Türkmenistandaky ilçisi Diego Ruiz Alonso ORIENT türkmen habarlar agentligine beren interwýusynda belledi.
Onuň aýtmagyna görä, bu döwürde «ýaşyl ykdysadyýete» tarap ugur alan Ýewropa ýangyjyň däp bolan uglewodorod görnüşlerinden peýdalanmaga mejbur bolar.
— Bu gün ÝB-de 2050-nji ýyla çenli kömürturşy gaz zyňyndylarynyň derejesini peseltmeklige ýa-da ondan asla ýüz öwürmeklige gönükdirilen täze energetiki syýasaty bar. Bu umumy maksat. Emma häzirki wagtda biz howpsuz energetika geçiş tapgyrynda durus — diýip ilçi belledi.
Onuň şeýle hem nygtaýşy ýaly, energiýanyň täze, dikeldilýän çeşmelerine: ýel, gidro energetika we ş.m.-lere ymtylyp, ýakyn geljekde ÝB energiýanyň däp bolan göterijilerinden — gazdan we nebitden ýüz öwrüp bilmez.
Şol bir wagtda ÝB Hazarüsti gaz geçirijisiniň taslamasynyň üsti bilen Ýewropa bazaryna türkmen gazyny ibermegi has ýerlikli hem hakykata laýyk çözgüt diýip atlandyrdy. Bu taslamany 2021-nji ýylyň oktýabrynda ABŞ-nyň Türkmenistandaky öňki ilçisi Alan Mastard «Türkmenistanyň nebiti we gazy – 2021» halkara forumynda hödürledi. Onuň pikirine görä, Hazarüsti gaz geçirijisiniň taslamasy gurluşygy başlanyndan soň iki ýylyň içinde Azerbaýjana 12 mlrd kub metr gaz, ol ýerden bolsa Ýewropa gaz iberip biler.
Alonsonyň belleýşi ýaly, türkmen gazyny Hazar deňziniň üsti bilen — Hazarüsti gaz geçirijisi boýunça ibermek taslamasy uly maýa goýumlaryny we giň gerimli işleri talap edýärdi. Bu bolsa häzirki ýagdaýda ýerine düşmän biler.
— Bu gün ýagdaýlar üýtgedi. Ýewropanyň we energiýa bazarynyň geljegi — bu kömür, nebit we tebigy gaz ulanmak bilen bagly СО2 zyňyndysyz önümçilik. Eýýäm şu günden uzak möhletleýin ägirt uly taslamalara uly maýa goýumlar ýerine düşen däldir — diýip Alonso belleýär.
— Hasaplar ýakyn 20-25 ýyl üçin alnyp barylýar. Şonuň üçin hem Hazarüsti birleşdirijisiniň taslamasy — öňküden az gerimli bolup biler, emma ol şol bir wagtda has hakykata laýyk we durmuşa geçirip boljak taslamadyr. Bular ýaly taslamalary gysga möhletde durmuşa geçirip bolar. Şonuň üçin hem olar has durmuşa ýakyndyr, diýip ÝB-niň ilçisi belledi.
— Meniň pikirimçe, bu geçiş döwründe Türkmenistan Ýewropa bazaryna tebigy gaz iberip biler diýip, diplomat belledi.
Ol şeýle hem ÝB-niň Türkmenistanyň Hökümeti bilen iberiljek tebigy gazyň has arassa bolmagy babatda hyzmatdaşlyk edýändigini belledi. Çünki bu ertirki günüň energiýa bazarynyň esasy talaplarynyň biri bolar.
— Ýurtlaryň tebigy gazy ýa-da nebiti öndürişi sarp edijileriň tölemäge taýýar bolan bahalaryna täsir eder — diýip ilçi aýtdy.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.