Nebit gymmatlaýar, «Brent» 76,42 dollara ýetdi
16:24 09.12.2021 5611
COVID-19-yň «omikron» ştammynyň ýaýramagynyň, ilkibaşda garaşylyşy ýaly, dünýä ykdysadyýetine o diýen agyr zyýan ýetirmejekdigi baradaky maglumatlardan soň, nebitiň bahalary penşenbe güni ýene-de ýokarlanyp başlady diýip, Interfaks habar berýär.
Amerikanyň Pfizer we Germaniýanyň BioNTech SE kompaniýalary sanjymlarynyň «omikron» ştammyna garşy netijeliliginiň barlaghana barlaglarynyň deslapky netijelerini çap etdiler. Barlaglaryň görkezişi ýaly, sanjymyň üç dozasy «omikrona» garşy goragy üpjün etmäge ukyply.
«Treýderler «omikronyň» islegiň belli bir derejede gowşamagyna getirip biljegine, emma onuň garaşylyşy ýaly, ýarmaz bolmajakdygyny düşünýärler» diýip, Рrice Futures Group kompaniýasynyň nebit bazary boýunça analitigi Fil Flinn belleýär.
Brent nebitiniň fewraldaky fýuçersleriniň bahasy Londondaky ICE Futures biržasynda penşenbe güni 76,42 dollara barabar boldy. Bu deslapky söwda sessiýasyndan 0,79 göterim ýokarydyr. Çarşenbe güni söwdalaryň netijeleri boýunça bahalar 0,5 gterim gymmatlap, 75,82 dollara ýetipdi.
WTI nebitiniň ýanwardaky fýuçersleriniň bahalary Nýu-Ýork haryt biržasynda 73,06 dollara barabar boldy, ösüş 0,97 göterim. Çarşenbe güni söwdalaryň barşynda onuň bahasy 0,4 göterim artyp, 72,36 dollara ýetdi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.