Körpeje gaz çykaryş müdirliginiň hünärmenleri belent sepgitleri eýeleýärler
11:17 01.01.2022 6492
«Türkmennebit» döwlet konserniniň «Nebitgazçykaryş» trestiniň Körpeje gaz çykaryş müdirliginiň hünärmenleri 2021-nji ýylda Türkmenistanyň ýokary öndürijilikli gaz ýataklaryndan tebigy gaz çykarmakda ýokary netijeleri gazandylar.
Hereket edýän guýulardan «mawy ýangyjyň» çykarylyşy 11 aýda 2 mlrd 531 mln kub metre barabar boldy, meýilnama 165 göterim ýerine ýetirildi.
Belläp geçsek, geçen döwürde konsern boýunça çykarylan tebigy gazyň umumy möçberiniň üçden iki bölegi körpejeli gazçylaryň paýyna düşýär. 1998-nji ýyldan bäri hereket edip gelýän müdirligiň işgärleri ýylyň-ýylyna ýokary zähmet üstünliklerini gazanýarlar. Müdirlik Körpeje, Çekiçli, Altyguýy ýataklarynda hereket edýän guýulardan tebigy gazyň çykarylyşyny, taýýarlygyny we sarp edijileri iberilmegini amala aşyrýarlar.
Häzirki wagtda bu ýerde 750-den gowrak hünärmen zähmet çekýär. Ulanylýan enjamlar we kompýuter ulgamlary ylmyň, tehnikanyň we tehnologiýanyň häzirki gazananlaryna laýyk gelýär. Bu bolsa ýokary zähmet üstünliklerini gazanmaga we sarp edijileriň hem-de sebitiň senagat desgalarynyň tebigy gaza islegini kanagatlandyrmaga mümkinçilik berýär.
Çekiçler meýdançasynda şeýle hem näsazlyklary aradan aýyrmak boýunça gulluk netijeli hereket edýär. Bu ýerde gazyň pes temperaturaly separasiýa desgasynda her günde «mawy ýangyjyň» 5 mln kub metrine çenli öçberi taýýarlanylýar.
Akpatlawuk, Keýmir we Çekişler meýdançalarynda gazy ýygnamak, taýýarlamak we sarp edijilere ugratmak boýunça ölçeg enjamlary, elektroenergetika we awtomatika enjamlary netijeli peýdalanylýar. Körpejede kyrkdan gowrak, Çekişlerde — ýigrimi alty, Altyguýuda bolsa bäş sany guýy hereket edýär. Ýylyň başyndan bäri 11 sany guýuda düýpli abatlaýyş işleri geçirildi, bu bolsa, öz gezeginde «mawy ýangyjyň» çykarylyşynyň artmagyna ýardam etdi.
Hereket edýän guýulardan alnan gaz arassalanandan we doly taýýar edilenden soň «Türkmennebit» DK-nyň «Gamyşlyjanebit» we «Keýmir» nebitgazçykaryş müdirligine, şeýle hem «Türkmengaz» DK-nyň «Günbatargazakdyryş» Balkanabat kärhanasyna iberilýär.
Müdirligiň hünärmenleri ýylyň ahyryna çenli, mümkin boldugyça, işleriň uly göwrümini ýerine ýetirmegi meýilleşdirýärler. Tebigy gazy çykarmak boýunça meýilleşdirilen — 1,7 mlrd kub metr görkeziji iki esse artdyryldy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmen-amerikan işewürlik forumynda özara hyzmatdaşlygyň ileri tutulýan ugurlary maslahatlaşyldy
16-njy dekabrda Türkmenistanyň Söwda-senagat edarasynyň binasynda Türkmen-amerikan işewürlik maslahaty geçirildi. Duşuşygyň dowamynda taraplar ikitaraplaýyn hyzmatdaşlygyň häzirki meselelerini ara alyp maslahatlaşdylar we ýakyn geljek üçin maksatlary kesgitlediler.
Türkmenistanyň Prezidenti resmi sapar bilen Malaýziýa bardy
18-nji dekabrda Prezident Serdar Berdimuhamedow resmi sapar bilen Malaýziýa ugrady diýip, TDH habar berýär.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.