Türkmenistanyň Prezidenti ýurduň gaz pudagynyň ösüşiniň ileri tutulýan ugurlaryny kesgitledi

14:52 07.01.2022 4321

https://oilgas.gov.tm/storage/posts/3691/original-161d6bc1db5987.jpeg

Geçen çarşenbe güni Türkmenistanyň Prezidenti Gurbanguly Berdimuhamedow Lebap welaýatynyň adminsitratiw merkezinde ýurdumyzyň ýangyç-energetika toplumynyň düzümleriniň işini mundan beýläk-de kämilleşdirmek, pudaga häzirki zaman ylmynyň gazananlaryny ornaşdyrmak, bu ugurda halkara hyzmatdaşlygy ösdürmek bilen bagly meseleleri ara alyp maslahatlaşdy.

Maslahata Ministrler Kabinetiniň Başlygynyň orunbasary Ş.Abdrahmanow, ýangyç-energetika toplumynyň ýolbaşçylarydyr hünärmenleri, Türkmenistan bilen ýakyn hyzmatdaşlyk edýän Hytaýyň Milli nebitgaz korporasiýasynyň (CNPC) wekilleri hem-de Lebap welaýatynyň häkimi gatnaşdylar.

Maslahatyň barşynda «Türkmengaz» döwlet konserniniň Tebigy gaz ylmy-barlag institutynyň direktory B.Pirnyýazow, «Türkmengeologiýa» döwlet korporasiýasynyň ýolbaşçysy M.Rozyýew hasabat bilen çykyş etdiler. Hasabatlarda «Malaý» gaz käninde hem-de «Demirgazyk Derwüş» meýdançasynda gazy gözlemek boýunça alnyp barylýan geologik-gözleg işleri barada habar berildi.

«Türkmengaz» döwlet konserniniň ýolbaşçysy B.Amanow Konserniň Lebap welaýatyndaky Suwuklandyrylan gazy öndürmek boýunça Lebap önümçilik müdirliginiň Bagajanyň kükürtli gazy arassalaýan we suwuklandyrylan gazy öndürýän desgasyny doly kuwwatlygynda işletmek üçin zerur bolan işleri ýerine ýetirmek meýilleşdirilýär. Göz öňünde tutulan işleriň geçirilmegi netijesinde, gaz kondensatynyň, suwuklandyrylan gazyň möçberiniň artdyrylmagy, şeýle hem tebigy gazyň bir gije-gündizde 2 million kub metr goşmaça möçberini çykarmak maksat edinilýär.

Hasabatyň çäklerinde daşary ýurtly hyzmatdaşlar bilen ýerine ýetirilýän işler barasynda, şol sanda şonuň bilen baglylykda «Galkynyş» gaz känini özleşdirmek boýunça işleriň alnyp barylýandygy barada habar berildi. Bellenilişi ýaly, Türkmenistan — Owganystan — Pakistan — Hindistan gaz geçirijisiniň gurluşygyny çaltlandyrmak boýunça degişli ugurlar we halkara düzümler bilen bilelikde zerur işler geçirilýär.

Ýangyç-energetika toplumynyň pudaklaýyn düzümleriniň hünärmenleri häzirki döwürde nebitgaz känleriniň öndürijiligini ýokarlandyrmak hem-de geljegi uly täze uglewodorod serişdelerine baý bolan känleri gözläp tapmak we ýüze çykarmak, olary senagat taýdan özleşdirmek ugrunda häzirki zaman ylmyna esaslanýan işleriň alnyp barylýandygyny bellediler.

Toplumda alnyp barylýan hemmetaraplaýyn işler döwlet Baştutanymyzyň pudagyň kuwwatyny artdyrmak, onuň düzümlerine innowasion sanly tehnologiýalary ornaşdyrmak hem-de daşary ýurt maýa goýumlaryny çekmek boýunça öňde goýýan wezipeleriniň üstünlikli ýerine ýetirilmegine gönükdirilýär.

Gurbanguly Berdimuhamedow strategik häsiýetli türkmen-hytaý gatnaşyklarynyň geljekde hem uzak möhletleýin esasda dürli ugurlar boýunça ösdüriljekdigini nygtady. Biziň maksadymyz ýurdumyzyň gymmatly baýlygy bolan uglewodorod serişdelerini Ýer ýüzünde parahatçylygy pugtalandyrmagyň, halklaryň abadan durmuşda ýaşamagynyň we gülläp ösmeginiň bähbidine ulanmakdyr diýip, türkmen Lideri aýtdy.

Şunuň bilen baglylykda, pursatdan peýdalanyp, Gurbanguly Berdimuhamedow Hytaý Halk Respublikasynyň Başlygy jenap Si Szinpine ikitaraplaýyn gatnaşyklary berkitmäge, hususan-da, ýurtlarymyzyň arasynda energetika ulgamynda hyzmatdaşlygy ösdürmäge goşýan uly şahsy goşandy üçin tüýs ýürekden minnetdarlyk bildirdi.

Başga makalalar
1652d197581227.jpg
«Gazprom» Türkmenistanyň, Russiýanyň we Kataryň gatnaşmagynda gaz merkezini döretmek hakynda Eýranyň pikirini öwrener

«Gazprom» Türkmenistanyň, Russiýanyň we Kataryň gatnaşmagynda gaz merkezini döretmek hakynda Eýranyň pikirini öwrener.


16172485a52770.jpeg
Türkmenistan we ÝB energetika, söwda, ulag we beýleki ugurlarda hyzmatdaşlygy işjeňleşdirýär

Göni wideoaragatnaşyk ulgamy arkaly geçirilen «Türkmenistan-Ýewropa Bileleşigi» Bilelikdäki Komitetiniň ýigriminji mejlisinde Türkmenistan bilen Ýewropa Bileleşiginiň arasynda ösüşi we hyzmatdaşlygy berkitmäge gönükdirilen meseleleriň giň toplumy maslahatlaşyldy, diýip Türkmenistanyň daşary syýasat edarasynyň saýty habar berýär.


1617262113e73b.jpeg
«Daşoguzgazçykaryş» müdirligi sarp edijilere gazyň bökdençsiz iberilmegini üpjün edýär

«Türkmengaz» döwlet konserniniň «Daşoguzgazçykaryş» müdirliginiň gazçylary şu ýylyň dokuz aýyny üstünlikli jemlediler. Müdirligiň hünärmenleri içerki sarp edijilere bolşy ýaly, daşarky bazarlara hem gazyň bökdençsiz iberilmegini üpjün edýärler.


1652ce71d7325f.jpg
Türkmenistanyň Prezidenti: ykdysady hyzmatdaşlygy işjeňleşdirmek — GDA-nyň çäklerinde hyzmatdaşlygyň ileri tutulýan ugrudyr

Türkmenistanyň Prezidenti Serdar Berdimuhamedow Bişkekde Garaşsyz Döwletleriň Arkalaşygynyň döwlet Baştutanlarynyň Geňeşiniň nobatdaky mejlisinde eden çykyşynda Aşgabadyň Arkalaşygyň çäklerinde hyzmatdaşlygyň ileri tutulýan ugrunyň ykdysady hyzmatdaşlygy işjeňleşdirmek bolup durýandygyny belledi.


1638455ecdc1dc.jpeg
BAE-niň wekiliýeti Türkmenistana saparynyň barşynda bilelikdäki işewürler geňeşini döretmek meselesini maslahatlaşar

Ýakyn wagtda Birleşen Arap Emirlikleriniň senagat we öňdebaryjy tehnologiýalar ministriniň ýolbaşçylygyndaky wekiliýet Türkmenistana geler. Bu barada anna güni geçirilen Hökümet mejlisiniň barşynda wise-premýer, daşary işler ministri Raşid Meredow habar berdi.