Türkmenistanyň wekiliýetiniň GFR-e saparynyň öňüsyrasynda özara bähbitli hyzmatdaşlygyň ileri tutulýan ugurlary kesgitlendi
12:35 29.09.2023 3967
Türkmenistanyň wekiliýetiniň Germaniýa Federatiw Respublikasyna amala aşyrjak saparynyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Maslahat köşgünde geçiren iş maslahatynda türkmen-german hyzmatdaşlygynyň ileri tutulýan ugurlary maslahatlaşyldy diýip, TDH habar berýär.
Türkmenistanyň Prezidentiniň tabşyrygy boýunça geçirilen iş maslahatyna Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralarynyň ýolbaşçylary, ýurdumyzyň hususy düzümleriniň, köpçülikleýin habar beriş serişdeleriniň wekilleri gatnaşdylar.
Ministrler Kabinetiniň Başlygynyň orunbasary, daşary işler ministri R.Meredow Germaniýa Federatiw Respublikasyna amala aşyryljak iş saparyna görülýän taýýarlyk işleri barada hasabat bilen çykyş etdi. Bellenilişi ýaly, Türkmenistan daşary syýasat strategiýasynda oňyn Bitaraplyk, özara bähbitli hyzmatdaşlyk gatnaşyklaryna uly orun berýär. Şu nukdaýnazardan, bu strategiýada Ýewropa Bileleşiginiň ýurtlary, şol sanda Germaniýa Federatiw Respublikasy bilen gatnaşyklaryň ilerledilmegine möhüm ähmiýet berilýär.
Türkmenistan bilen Germaniýanyň arasynda ikitaraplaýyn hyzmatdaşlyk işjeň ösdürilýär. Germaniýaly hyzmatdaşlar bilen gatnaşyklar uzak möhletleýin esasda ýola goýulýar. Ýokary tehnologiýalar, senagat, ulag we oba hojalyk ulgamlarynda özara bähbitli oňyn hyzmatdaşlyk alnyp barylýar diýip, Gurbanguly Berdimuhamedow belledi.
Milli Liderimiziň Germaniýa iş saparynyň maksatnamasynda «Merkezi Aziýa — GFR» görnüşinde duşuşygyň geçirilmegi, iki ýurduň arasynda ýola goýlan diplomatik gatnaşyklaryň ösdürilmegi esasynda dürli ugurlar boýunça ozal gazanylan ylalaşyklaryň ýerine ýetirilişi babatda täze gözýetimleri açýan meseleleri ara alyp maslahatlaşmak meýilleşdirilýär.
Türkmenistan geçen ýyllaryň dowamynda Germaniýa bilen ýola goýlan döwletara gatnaşyklara ýokary baha berýär we ony ileri tutulýan ähli ugurlar boýunça ösdürmäge aýratyn gyzyklanma bildirýär diýip, türkmen halkynyň Milli Lideri Gurbanguly Berdimuhamedow nygtady.
Iş maslahatynyň dowamynda hyzmatdaşlygy dürli ugurlarda, aýratyn-da, syýasy-diplomatik, söwda-ykdysady, telekeçilik we medeni-ynsanperwer ulgamlarda birek-birege hormat goýmak, deňhukuklylyk, özara ynanyşmak ýörelgeleri esasynda işjeň giňeltmek üçin ägirt uly mümkinçilikleriň bardygy bellenildi hem-de türkmen-german hyzmatdaşlygynyň yzygiderli ösdürilip, onuň iki halkyň bähbidine mundan beýläk-de giňeldiljekdigine ynam bildirildi.
Soňra türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Germaniýa Federatiw Respublikasyna ugrady.
Paýtagtymyzyň Halkara howa menzilinde Germaniýa Federatiw Respublikasynyň Türkmenistandaky Adatdan daşary we Doly ygtyýarly ilçisi bilen söhbetdeş boldy. Diplomat, öňi bilen, türkmen halkynyň Milli Liderini ýurdumyzyň durmuşynda uly ähmiýete eýe bolan Garaşsyzlyk baýramy hem-de bu şanly sene mynasybetli guralan giň möçberli dabaralar bilen gutlady we Gahryman Arkadagymyzyň saparynyň şowly bolmagyny arzuw etdi.
Türkmenistanyň Prezidentine ýurdumyzy ösdürmegiň geljek 30 ýyl üçin Maksatnamasynyň taslamasy hödürleniler
Geçen anna güni geçirilen Hökümet mejlisinde Ministrler Kabinetiniň Başlygynyň orunbasary Serdar Berdimuhamedow “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň” taslamasynyň taýýarlanylyşy barada hasabat berdi.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.
Türkmenistanyň Prezidenti: energetika we ulag — Merkezi Aziýa ýurtlarynyň we Hindistanyň ykdysady hyzmatdaşlygynyň ileri tutulýan ugurlary
27-nji ýanwarda ilkinji «Hindistan – Merkezi Aziýa» sammiti wideoaragatnaşyk ulgamy arkaly geçirildi. Ýokary derejeli duşuşyga Hindistan Respublikasynyň Premýer-ministri hem-de Merkezi Aziýa döwletleriniň Prezidentleri gatnaşdylar diýip, Türkmenistanyň DIM-i habar berýär.
GECF-niň Baş sekretary dünýäniň gaz bazarynda Türkmenistanyň ornuny belledi
“Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatyna Gazy eksport ediji ýurtlaryň forumynyň (GECF) Baş sekretary Mohammed Hamel gatnaşdy.
«Türkmengaz» DK gazyň çykarylyşyny we eksportyny artdyrmak boýunça taslamalary maliýeleşdirmek üçin CNPC bilen goşmaça ylalaşyk baglaşar
«Türkmengaz» döwlet konserni türkmen tebigy gazynyň çykarylyşyny we eksport möçberlerini artdyrmak maksady bilen, «CNPC» kompaniýasy bilen goşmaça ylalaşyklary baglaşar. Degişli resminama Türkmenistanyň Prezidenti gol çekdi.