Alekperow: «Lukoýl» Türkmenistan bilen hyzmatdaşlygyň geljegine uly ynam bildirýär
20:53 31.10.2020 8590
«Lukoýl» kompaniýasy Türkmenistan bilen hyzmatdaşlygyň geljegine uly ynam bildirýär hem-de bilelikdäki taslamalar üçin hemişe açykdyr, diýip öňdebaryjy rus nebit kompaniýasynyň ýolbaşçysy Wagit Alekperow «Türkmenistanyň nebiti we gazy 2020» XXV halkara maslahatynda eden çykyşynda belledi.
Çarşenbe güni forumyň mejlisiniň çäginde eden çykyşynda Wagit Alekperow ykdysady ösüş ulgamynda Türkmenistanda ýetilýän sepgitlere we gazanylýan üstünliklere çyn ýürekden buýsanýandygyny belledi. Munuň özi türkmen halkynyň ýaşaýyş-durmuş derejesini gowulandyrmaga, ykdysadyýetiň täze ugurlaryny ösdürmäge hem-de daşary ýurtly maýadarlar üçin ýurduň özüne çekijiligini ýokarlandyrmaga mümkinçilik berýär.
Ýurduň ösüşleri ýangyç-energetika toplumynda gazanylan üstünlikler bilen hem aýrylmaz baglanyşyklydyr. Türkmenistan tebigy gazy eksport etmekde dünýäde öňdebaryjy ýurtlaryň sanawynda bolmak bilen, soňky birnäçe ýyldan bäri «mawy ýangyjy» çykarmagyň durnukly ösüşini üpjün edýär.
Türkmenistan bilen «Лукойл» kompaniýasyny köpýyllyk hyzmatdaşlygyň taryhy baglanyşdyrýar. Häzirki wagtda biz dürli ugurlar boýunça bilelikdäki taslamalary, şol sanda deňizdäki nebit ýataklaryny özleşdirmegiň mümkinçiliklerini ara alyp maslahatlaşýarys – diýip Alekperow belledi.
Belläp geçsek, 2020-nji ýylda Wagit Alekperow iki gezek — fewralda we sentýabrda Türkmenistanyň Prezidenti Gurbanguly Berdimuhamedow bilen duşuşdy. Sentýabr aýynda geçirilen duşuşykda Alekperow «Lukoýl» kompaniýasynyň uglewodorodlary çykarmak we gaýtadan işlemek hem-de nebithimiýa ulgamynda Türkmenistan bilen hyzmatdaşlyga gyzyklanma bildirýändigini belledi.
Döwlet Baştutanyny «Lukoýl» kompaniýasynyň Hazar deňzindäki nebitgaz känlerindäki alyp barýan işi bilen tanyşdyryp, Alekperow Türkmenistan bilen hyzmatdaşlyk gatnaşyklaryny giňeltmäge taýýardygyny mälim etdi.
Türkmenistanyň Prezidenti bar bolan teklipleri «Türkmennebit» we «Türkmengaz» döwlet konsernleri bilen işläp taýýarlamagy we hökümetiň garamagyna bermegi maslahat berdi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.