Gurrukbil ýatagynda guýularyň öndürijiligini artdyran innowasion tehnologiýa önümçilige girizildi
17:09 23.05.2024 4993
«Türkmengaz» döwlet konserniniň Tebigy gaz ylmy-barlag institutynyň alymlary we Türkmenistan Ylymlar akademiýasynyň Tehnologiýalar merkeziniň hünärmenleri tükenen gaz guýularynyň öndürijiligini artdyrýan innowasion tehnologiýany önümçilige üstünlikli girizdiler.
«Türkmengaz» DK-nyň «Döwletabatgazçykaryş» müdirligi bilen baglaşylan şertnama esasynda, Gurrukbil gaz kondensat ýatagyndaky az önüm berýän we gory doly tükenen guýularyň öndürijiligini ýokarlandyrmak üçin häzirki zaman innowasion tehnologiýalaryny ornaşdyrmak boýunça birnäçe ylmy-agtaryş we synag işleri geçirildi.
Gurrukbil ýatagynyň önümçilik häsiýetleri öwrenileninden we gory tükenen guýularyň gidrodinamik hem geofiziki gözlegleriniň netijeleri derňeleninden soň, ylmy we tehniki çözgütler işlenip düzülip, 45-nji guýynyň gazly gatlagyna toplumlaýyn wodorod termobarohimiki täsir tehnologiýasyny girizmek boýunça senagat synagy işleri geçirildi.
Deslapky gaz-gidrodinamik synaglaryň maglumatlaryna görä, öňki möçberi bilen deňeşdirilende, guýudan tebigy gaz alnyşy artdy. Gory doly tükenen 46-njy gaz guýusynda-da oňyn netije alyndy. Ol ýerde gatlaga tapgyrlaýyn köpçülikleýin wodorod termobarohimik täsir ulanyldy.
Gatlaga wodorod termobarohimik täsiriň birleşdirilen tehnologiýasynyň ulanylmagy onuň syzdyryjylygyny we nebit, gaz hem kondensat alnyşyny artdyrmak bilen owaldan bar bolan serişdeleri has netijeli ulanmaga hem önümçilik desgalaryny gurmaga gönükdirilen maýa goýumlaryny azaltmaga mümkinçilik berýär.
Häzirki wagtda alymlar Gurrukbil gaz kondensat ýatagyndaky synag guýularynyň öndürijiligine gözegçiligi dowam etdirýärler we her ölçeg geçirilende, guýynyň öndürijiliginiň artandygyny belleýärler. Innowasiýa tehnologiýasyny ornaşdyrmagyň bu üstünlikli tejribesiniň ölçeg nusgalaryny alyp, şu ýatagyň beýleki guýularynyň öndürijiligini artdyrmak üçin-de ulanylmagy meýilleşdirilýär.
Şerepli ýatagynda tebigy gazyň senagat akymy alyndy
«Türkmengaz» döwlet konserniniň «Türkmengazburawlaýyş» müdirliginiň gazçylary Mary welaýatynyň çäginde konsern tarapyndan işlenip düzülen meýilnama laýyklykda, birbada üç sany täze gaz ýatagynda giň gerimli buraw işlerini amala aşyrýarlar. Geologlar tarapyndan geçirilen buraw işleriniň netijesinde Şerepli gaz ýatagyndan № 01 ulanyş-bahalandyryş guýusyndan tebigy gazyň senagat akymy alyndy.
«Günorta gaz geçelgesi» gaz geçirijisini doldurmak üçin türkmen gazy gerek — bilermen
«Günorta gaz geçelgesini» diňe azerbaýjan gazy bilen doldurmak örän kyn, onuň üstüne Türkmenistanyň hem gazy gerek. Bu barada Energetika barlaglarynyň Oksford institutynyň uly ylmy işgäri Julian Bouden belledi diýip, Trend agentligi habar berýär.
Türkmenistanyň Prezidenti Eýranyň Prezidentini gutlady
Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Eýran Yslam Respublikasynyň Prezidenti Masud Pezeşkiana we ýurduň ähli doganlyk halkyna Eýran Yslam Respublikasynyň milli baýramy — Ynkylap güni mynasybetli tüýs ýürekden gutlaglaryny, iň gowy arzuwlaryny iberdi. Bu barda TDH habar berýär.
Türkmenistanyň wekiliýeti Tähranda geçiriljek Hazar ykdysady forumyna gatnaşar
Türkmenistanyň wekiliýeti 17-18-nji fewralda Tähranda geçiriljek üçünji Hazar ykdysady forumyna gatnaşar. Bu barada Türkmenistanyň Halk Maslahatynyň Başlygy Gurbanguly Berdimuhamedow bilen Eýran Yslam Respublikasynyň Prezidenti Masud Pezeşkianyň arasynda geçirilen telefon arkaly söhbetdeşlikde aýdyldy.
Türkmenistan we Aýlagdaky Arap Döwletleriniň Hyzmatdaşlyk Geňeşi bilen hyzmatdaşlyk hakynda Ähtnama gol çekdiler
Wise-premýer, Daşary işler ministri R.Meredow bilen Aýlagdaky Arap Döwletleriniň Hyzmatdaşlyk Geňeşiniň Baş sekretary Naýef Falah Mubarak Al-Hajrafyň arasynda geçirilen duşuşygyň barşynda Türkmenistan bilen Aýlagdaky Arap Döwletleriniň Hyzmatdaşlyk Geňeşiniň gatnaşyklaryny mundan beýläk hem ösdürmegiň geljegi ara alnyp maslahatlaşyldy diýip, türkmen daşary syýasat edarasynyň saýty habar berýär.