Mohammed Barkindo: OPEС energiýa geçiş şertlerinde dolandyryş düzümini gaýtadan bahalandyrmaly
18:28 14.07.2020 5316
COVID-19 pandemiýasy energetikany, klimatyň üýtgeýşini we ähtimal, geosyýasaty dolandyrmagyň gurluşyny gözden geçirmegiň gerekdigini subut etdi diýip, OPEC nebiti eksport ediji ýurtlaryň guramasynyň baş kätibi Mohammed Barkindo hasaplaýar, muny INTERFAKS ýetirýär.“COVID-19-dan soň bize pudak hökmünde diňe bir geljekki ýaramaz ýagdaýlardan gaçmak üçin däl-de, eýsem energetika we klimatyň üýtgemegi nukdaýnazaryndan dünýäni dogry derejede goýmak üçin birnäçe aýyň tejribesine we dünýäniň başdan geçiren özgertmelerine esaslanmak bilen düzümiň haýsy görnüşlerini galdyrmagyň gerekdiginde jikme-jik durup geçmek gerek. Bize hakykatdan hem, klimatik çagyryşy bilen baglylykda geçişe taýýarlajak dolandyryjy gurluşy oýlap tapmak gerek” – diýip, ol IHS Markit-iň uly wise-prezidenti Karlos Paskual bilen söhbetdeşlikde aýdýar.Ýewrosoýuz ýangyjyň gazylyp alynýan görnüşi bolan nebiti ulanmagy bes etmegiň syýasatyny işläp düzdi. Energetika boýunça ÝS-yň komissary Kadri Simsonyň aýtmagyna görä, “biziň olara (hyzmatdaşlara) esasy habarymyz ÝS-yň maksadynyň 2050-nji ýyla çenli klimatik taýdan bitarap bolmagynda jemlenýär”. “Bu şol wagta çenli biziň gazylyp alynýan energiýa göterijileri ulanyşdan çykarjakdygymyzy aňladýar” – diýip, ol belleýär.Barkindo pandemiýanyň hem klimata, hem tutuş dünýädäki adamzat bileleşigine täsirini ýetirendigini belledi. “Biziň şol bir esasda dowam edip bilmejekdigimize käbir çaklamalar hereket edýär. Bizde häzir bar bolan gurluşlar (OPEK gatnaşyjy-ýurtlaryň arasynda önümçiligi kemeltmegiň göwrümi barada ylalaşmak bilen nebit bazaryny sazlaýar) biziň üçin laýyk gelip bilmez. Bu bizde bar bolan zatlaryň hemmetaraplaýyn bahalandyrylmasyny geçirmek üçin hiç hili päsgelçiliksiz bile ýygnanyşar ýaly pudaga, syýasatçylara, alymlara bolşy ýaly, bize-de bagly” – diýip, ol aýdýar.“Şu ýylyň sentýabrynda OPEK guramasyna 60 ýyl dolýar. Biz soňky 60 ýylyň içinde biziň hereketimizi – biz nämede ýitirdik, nirede aýratyn hereket etmelidik we biz geljekde çalt üýtgeýän dünýä nähili uýgunlaşmaly – şulary bahalandyrmak üçin bu mümkinçilikden peýdalanmaly” – diýip, guramanyň baş kätibi belleýär.
Türkmenistanyň DIM-niň ýolbaşçysy we Singapuryň premýer-ministriniň kanselýariýasynyň ministri özara gatnaşyk meselelerini maslahatlaşdylar
Türkmenistanyň Daşary işler Ministri Raşid Meredowyň Singapuryň Premýer-ministriniň edarasynyň Ministri Mohamad Maliki bin Osmanyň ýolbaşçylygyndaky wekiliýet bilen duşuşygynyň barşynda halkara we ikitaraplaýyn hyzmatdaşlygyň ileri tutulýan meseleleri maslahatlaşyldy diýip, türkmen DIM-niň saýty habar berýär.
TNGIZT-niň nebit önümlerini eksport we marketing müdirligi işini bes etdi
«Türkmennebit» döwlet konserniniň Türkmenbaşynyň nebiti gaýtadan işleýän zawodlar toplumynyň nebit önümlerini eksport we marketing müdirligi işini bes etdi. Bu barada «Нейтральный Туркменистан» gazetiniň sahypalarynda habar berildi.
Serdar Berdimuhamedow «Merkezi Aziýa – Russiýa» Sammitine we GDA-nyň Döwlet Baştutanlarynyň Geňeşine gatnaşmak üçin Gazagystana bardy
Türkmenistanyň Prezidenti Serdar Berdimuhamedow GDA döwlet Baştutanlarynyň geňeşiniň nobatdaky mejlisine hem-de «Merkezi Aziýa – Russiýa» Sammitine gatnaşmak üçin we döwlet sapary bilen Gazagystan Respublikasyna bardy. Şenbe güni Türkmenistanyň Baştutanynyň Gazagystan Respublikasyna döwlet saparynyň maksatnamasy başlanar diýip, Türkmenistanyň Döwlet habarlar agentligi habar berýär.
OGT-2022-ä gatnaşmak üçin eýýäm 20 ýurtdan 250-den gowrak wekil bellige alyndy
Häzirki wagtda 26-28-nji oktýabrda Aşgabatda geçiriljek «Türkmenistanyň nebiti we gazy» (OGT — 2022) XXVII Halkara maslahatyna we sergisine gatnaşjaklary bellige almaklyk dowam edýär diýip, forumyň guramaçylary habar berýär. Hususan-da, OGT-2022-ä gatnaşmak üçin eýýäm 20 ýurtdan 250-den gowrak wekil bellige alyndy.
Türkmenistanyň Prezidenti: «Merkezi Aziýa + Russiýa» hyzmatdaşlyk formatynda ykdysadyýet ileri tutulýan ugur bolup durýar
«Merkezi Aziýa + Russiýa» altytaraplaýyn hyzmatdaşlygyň çäklerinde ykdysadyýet ileri tutulýan möhüm ugur bolup durýar. Bu pikiri Prezident Serdar Berdimuhamedow geçen anna güni Astanada geçirilen “Merkezi Aziýa — Russiýa” sammitiniň barşynda belledi.