Türkmenistanyň Prezidenti BAE-niň energetika ministri bilen energetika ulgamynda ileri tutulýan ugurlary maslahatlaşdy
23:10 14.07.2022 4664
Türkmenistanyň Prezidenti Serdar Berdimuhamedow çarşenbe güni Birleşen Arap Emirlikleriniň energetika we infrastruktura ministri Suheil Al Mazrui bilen iki ýurduň ykdysadyýetiniň strategiki ugurlary bolup durýan energetika ulgamynda hyzmatdaşlyk meselelerini maslahatlaşdy.
Serdar Berdimuhamedow ýurdumyzyň milli ýangyç-energetika toplumyny döwrebaplaşdyrmak we diwersifikasiýa ýoly bilen ösdürmek strategiýasyny durmuşa geçirýändigini nygtap, döwletimiziň uglewodorod çig malyny çykarmak we gaýtadan işlemek, döwrebap ugurdaş düzümi kemala getirmek babatda pudaga innowasiýalary, sanly tehnologiýalary, öňdebaryjy işläp taýýarlamalary çekmäge eýerýändigini aýtdy. Bu babatda ýola goýlan, bilelikde işlemek boýunça köpýyllyk tejribä eýe bolan netijeli hyzmatdaşlygy ösdürmek üçin oňaýly şertler bar. Şunuň bilen baglylykda, «ýaşyl» energetikada özara gatnaşyklary işjeňleşdirmek, ekologik taýdan arassa, gaýtadan dikeldilýän energiýa çeşmelerini, hususan-da, Gün we ýel energiýasyny ulanmak wajyp hasaplanýar.
Myhman BAE-niň işewürler toparlarynyň Türkmenistan bilen uzak möhletli hyzmatdaşlyga hem-de täze, geljegi uly taslamalara gatnaşmaga çalyşýandyklaryny tassyklady.
Bellenilişi ýaly, netijeli ykdysady we maýa goýum syýasatynyň yzygiderli durmuşa geçirilmegi netijesinde ýurdumyz halkara giňişlikde özüni ygtybarly, jogapkärli hyzmatdaş hökmünde görkezdi.
Duşuşygyň barşynda myhman döwlet Baştutanyna Birleşen Arap Emirlikleriniň Prezidenti Şeýh Mohammed bin Zaýed Al Nahaýýanyň BAE sapar bilen gelmek hakyndaky çakylygyny gowşurdy.
Belläp geçsek, 2021-nji ýylda Türkmenistan we BAE ylalaşyklaryň we ähtnamalaryň birnäçesine, şol sanda maýa goýumlar we energetika ulgamynda resminamalara gol çekdiler. Şolaryň hatarynda — «Türkmenenergo» döwlet elektroenergetika korporasiýasy bilen Abu Dhabi Future Energy Company PJSC – Masdar kompaniýasynyň arasynda bilelikdäki maýa goýum kompaniýasyny döretmek hakynda özara düşünişmek hakynda Ähtnama bar.
Hökümet mejlisinde Türkmenistanyň nebitgaz pudagynyň on aýda ýerine ýetiren işleriniň jemlerine garaldy
Prezident Gurbanguly Berdimuhamedowyň geçen anna güni sanly ulgam arkaly geçiren Ministrler Kabinetiniň mejlisinde şu ýylyň 10 aýynda Hökümetiň alyp baran işleriniň jemleri jemlenildi, degişli hasabatlar diňlenildi we hödürlenen resminamalara seredildi, şeýle hem ýurdumyzy durmuş-ykdysady taýdan ösdürmek boýunça gündelik wezipeler ara alnyp maslahatlaşyldy.
TOPH gaz geçirijisiniň owgan böleginiň gurluşygyna başlamaga taýýarlyk tassyklanyldy
Kabulda Türkmenistanyň Owganystandaky ilçisi Hoja Öwezowyň gatnaşmagynda TAPI Pipeline Company konsorsiumynyň baş direktory Muhammetmyrat Amanowyň Owganystanyň daşary işler ministri Amir Han Muttaki bilen duşuşygy geçirildi. Bu barada Türkmenistanyň Owganystandaky ilçihanasy habar berýär.
“Nebitçi” şypahanasy Türkmenistanyň nebitçileriniň saglygy barada alada edýär
Balkanabat şäheriniň gözel künjeginde ýerleşýän “Türkmennebit” Döwlet koserniniň “Nebitçi” şypahanasy ýurdumyzyň nebit senagatynyň zähmetkeşleriniň höwes bilen dynç alýan ýerine öwrüldi. Bu ýerde myhmanlara dynç almak we saglygyny dikeltmek üçin amatly şertler döredilýär.
Türkmenistanyň Prezidenti nebitgaz ulgamynda Malaýziýa bilen üstünlikli hyzmatdaşlygy belledi
Çarşenbe güni Prezident Serdar Berdimuhamedow Malaýziýanyň Türkmenistanda täze bellenen Adatdan daşary we Doly ygtyýarly ilçisi Mohd Suhaimi bin Ahmad Tajuddini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
On aýyň jemlerine garaldy
Şu gün Türkmenistanyň nebitgaz toplumynyň merkezi binasynda «Türkmenistan — parahatçylygyň we ynanyşmagyň Watany» ýylynyň ýanwar-oktýabr aýlarynda ýerine ýetirilen işleriň jemlerine bagyşlanan hasabat ýygnagy boldy.