Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
09:46 07.09.2022 5482
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.
«Hazarüsti gaz geçirijisiniň taslamasy barada aýdylanda, ol uzak ýyllaryň dowamynda maslahatlaşylýar. Ol 15 ýyl bäri maslahatlaşylýar, emma iş ýüzünde ony durmuşa geçirmek üçin hereket ýok» - diýip, ol Il Sole 24 Ore otalýan gazetine beren interwýusynda belledi.
Onuň aýtmagyna görä, Hazarüsti gaz geçirijisi Azerbaýjanyň taslamasy däl. «Bu taslama Türkmenistanyň çig mal serişdelerine esaslanýar. Şonuň üçin hem, eger-de Türkmenistanyň Hökümeti onuň gurluşygy hakynda karar kabul etse, bu olaryň çözgüdi bolar. Eger-de olar bu karary kabul etseler, onda biz gürrüňsiz ony goldarys. Emma bu ýerde biz taslamanyň öňe sürüjileri bolmayrs»- diýip ol belledi.
Onuň bellemegine görä, Azerbaýjan öz wagtynda iri sebit nebitgaz taslamalaryny öňe sürdi: Günorta gaz geçirijisiniň gurluşygy, Baku-Jeýhan gaz geçirijisi. Onuň aýtmagyna görä, bu taslamalary durmuşa geçirmek üçin Azerbaýjan topar döretdi, daşary ýurtlar, sarp edijiler, kompaniýalar bilen gepleşikler geçirdi. «Azerbaýjan şeýle hem esasy maýadar hökmünde çykyş etdi» - diýip Prezident belledi.
«Meniň aýtmak isleýän zadym, bu hili taslamalaryň öňe sürüjileri bolup üstaşyr geçiriji ýurtlarda däl-de, çig mal serişdeleriniň eýeleri çykyş edýär. Üstaşyr geçiriji ýurtlar diňe goldaw berip, çägini hödürläp, üstaşyr bahalar barada karar berip bilýär».
Onuň şeýle hem habar bermegine görä, Azerbaýjan we Türkmenistan häzirki wagtda Hazar deňzinde «Dostluk» ýatagyny bilelikde işläp taýýarlamaklygy maslahatlaşýar. Azerbaýjanyň Prezidentiniň düşündirmegine görä, «ol esasan, gaz däl-de, nebit ýatagydyr».
Türkmenistan YHG bilen hyzmatdaşlygyň ileri tutulýan ugurlary boýunça başlangyçlaryny beýan etdi
3-nji fewralda daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti Tähran şäherinde geçirilen Ykdysady hyzmatdaşlyk guramasyna (YHG) agza ýurtlaryň Daşary işler ministrleriniň orunbasarlarynyň ýokary derejeli komitetiniň birinji mejlisine gatnaşdy diýip, Türkmenistanyň DIM-nde habar berdiler.
Birinji ýarym ýylda Türkmenistanyň NGIZ-leri nebitiň gaýtadan işlenilişini 2,6 mln tonna çenli artdyrdy
Türkmenistanda birinji ýarym ýylda 2 mln 628 müň tonnadan gowrak nebit gaýtadan işlenildi. Şu döwürde ýurduň NGIZ 2 mln 630 müň tonna çig nebit iberildi diýip, «Нейтральный Туркменистан» gazeti çarşenbe güni belleýär.
Türkmenistan Owganystanyň dikeldilmegine gyzyklanma bildirýär - DIM
Türkmenistan Owganystanyň täzeden dikeldilmegine, dünýä ykdysady gatnaşyklaryna goşulmagyna we infrastrukturasynyň ösüşine gyzyklanma bildirýär. Bu barada Türkmenistanyň Daşary işler ministriniň orunbasary W.Hajiýew Daşkentde “Owganystan: howpsuzlyk we ykdysady ösüş” atly halkara maslahatda eden çykyşynda belledi diýip, türkmen daşary syýasat edarasynyň saýty habar berýär.
Bloomberg: Saud Arabystany Aziýa üçin nebitiň bahalaryny ýokarlandyryp biler
Treýderleriň indiki aýda spot bahalaryň peselmegine garaşýandygyna garamazdan, Saud Arabystany Aziýa üçin nebitiniň bahalaryny sentýabrda ýokarlandyrar. Bu barada Praým agentligi Bloomberge salgylanyp habar berýär. Geljek aýlar nebit bazary üçin aýgytly bolup biler diýip, treýderler hasaplaýar.
Türkmenistan we Gazagystan nebitgaz, ulag we beýleki ugurlarda hyzmatdaşlygy ösdürmegi maksat edinýär
3-nji fewralda Astana şäherinde Türkmenistanyň we Gazagystan Respublikasynyň daşary syýasat edaralarynyň arasynda syýasy geňeşmeler geçirildi diýip, ýurdumyzyň daşary syýasat edarasy habar berdi.