CNPC — OGT-2022 halkara forumynyň baş hyzmatdaşy
17:26 18.10.2022 11007
«CNPC» kompaniýasy 26-28-nji oktýabr aralygynda Aşgabatda geçiriljek «Türkmenistanyň nebiti we gazy» halkara maslahatynyň esasy hyzmatdaşy hökmünde çykyş eder.
Maslahat, bazaryň esasy düzgünleşdirijilerini we gatnaşyjylaryny, maliýe ulgamynyň wekillerini, alymlary we hünärmenleri bir ýere jemläp, ýangyç-energetika pudagynyň we geosyýasy ösüşiň häzirki möhüm ugurlary barada özboluşly pikirleri we seljeriş netijeleri hödürlär.
Hytaý milli nebit korporasiýasy (China National Petroleum Corporation, CNPC) dünýäde öňdebaryjy orny eýeleýän halkara energetika kompaniýasydyr. CNPC 38 ýurtda nebit we gaz maýa goýum amallaryny amala aşyrýar, 82 ýurtlaryň we sebitleriň nebit hem-de gaz desgalary üçin inžener-tehniki işler boýunça hyzmatlary hödürlemek bilen meşgullanýar.
CNPC-niň Türkmenistanda alyp barýan işleri 2007-nji ýylda başlandy. Şu günki-günde känleri gözlemek we özleşdirmek, guýulary burawlamak we abatlamak, inženerçilik gurluşygy, tehniki enjamlary öndürmek, önümleriň satuwy we maliýe hyzmatlary bilen meşgullanýar. Hyzmatdaşlygyň üstünligi, iki ýurduň hökümetleriniň goldawy hem-de CNPC bilen “Türkmengaz” döwlet konserniniň bilelikdäki tagallalary bilen baglanyşyklydyr.
2009-njy ýylda Türkmenistan-Hytaý gaz geçirijisi işe girizildi, 2021-nji ýylda bu geçiriji boýunça türkmen gazynyň iberilişiniň möçberi 300 milliard kub metrden geçdi. Häzirki wagtda kompaniýa nebit-gaz pudagynda innowasiýa tehnologiýalary, senagat infrastrukturasyny döwrebaplaşdyrmak, känleri sanlylaşdyrmak, täze energiýa çeşmelerini özleşdirmek hem-de ulanmak, logistikany ösdürmek we ş.m. boýunça hyzmatdaşlygy çuňlaşdyrmagy maksat edinýär.
CNPC, Türkmenistanyň nebit-gaz pudagy boýunça hünärmenleri taýýarlamakda baý tejribe toplady hem-de bu ugurda işlerini güýçlendirmegi maksat edinýär, şeýle hem ýerli derejedäki durmuş maksatly taslamalara işjeň gatnaşýar, ýapyk binalarda Aziýa oýunlarynyň, agyr atletika boýunça dünýä çempionatynyň we nebit-gaz forumlarynyň hemaýatkärleriniň hatarynda boldy.
Ählumumy energetika öwrülişigi we uglewodorod bölüp çykmalaryny azaltmak babatda pes uglerodly ekologiýa taýdan arassa energiýa çeşmesi hökmünde, tebigy gaz täze energiýa çeşmelerine möhüm geçişdir, şeýle hem ençeme döwrüň dowamynda energetika öwrülişigini ösdürmekde Hytaýyň saýlan strategik ugury boldy, şoňa görä-de Hytaý bazarynda tebigy gazyň sarp edilişiniň üznüksiz we durnukly ösüşine garaşylýar.
Häzirki wagtda Türkmenistan-Hytaý turbageçirijisiniň A, B we C 3 şahalary hereket edýär, D şahasynyň çekilmegi meýilleşdirildi. Hytaýyň gaz bazarynyň giň geljegi bar, bşunuň bilen baglylykda, iki tarap hem Türkmenistan we Hytaý halklarynyň bähbidi üçin hyzmatdaşlygyň gerimini we möçberini mundan beýläkde giňeltmek maksady bilen bilelikde tagalla edýärler.
Eni 2022-nji ýylda nebitiň barreliniň bahasy boýunça çaklamasyny 105 dollara çenli ýokarlandyrdy
Eni kompaniýasynyň ýolbaşçylary Brent nebitiniň 2022-nji ýylda binýatlyk bahasynyň çaklamasyny 80 dollardan 105 dollara çenli ýokarlandyrdy we ýylyň jemleri boýunça öz nebit we gaz önümçiliginiň çaklamasyny ýaramazlaşdyrdy diýip, Interfaks habar berýär.
Aşgabatda “Merkezi Aziýa – Hytaý” formatyndaky döwlet Baştutanlarynyň ikinji sammitine taýýarlyk maslahatlaşyldy
14-nji aprelde Aşgabatda Türkmenistanyň daşary işler ministriniň orunbasary Ahmet Gurbanow bilen “Merkezi Aziýa – Hytaý” formatynyň Sekretariatynyň wezipä bellenilen Baş sekretary Sun Weýdunyň arasynda duşuşyk geçirildi. Duşuşykda “Merkezi Aziýa – Hytaý” formatynyň döwlet Baştutanlarynyň ikinji sammitine taýýarlyk meselesi maslahatlaşyldy diýip, Türkmenistanyň DIM-niň saýtynda habar berilýär.
Türkmenistanyň we Azerbaýjanyň hünärmenleri Hazar deňziniň düýbüni çäklendirmegiň meseleleri boýunça taslamany maslahatlaşdylar
12-13-nji sentýabrda Azerbaýjan Respublikasynyň Baku şäherinde Hazar deňziniň düýbüni çäklendirmegiň meseleleri boýunça bilelikdäki Iş toparynyň nobatdaky duşuşygynda Türkmenistan bilen Azerbaýjan Respublikasynyň arasynda Hazar deňziniň düýbüni çäklendirmek baradaky Türkmenistan bilen Azerbaýjan Respublikasynyň arasyndaky Ylalaşygyň taslamasynyň düzgünleri ara alnyp maslahatlaşyldy. Bu barada Türkmenistanyň DIM-niň saýtynda habar berilýär.
Serdar Berdimuhamedow: Türkmenistan üçin “EKSPO – 2025” Bütindünýä sergisi aýratyn ähmiýete eýe
“EKSPO — 2025” Bütindünýä sergisiniň Türkmenistan üçin aýratyn ähmiýeti bardyr. Bu barada Türkmenistanyň Prezidenti Serdar Berdimuhamedowyň «EKSPO — 2025» Bütindünýä sergisinde Türkmenistanyň Milli gününiň açylyş dabarasyndaky çykyşynda belledi.
Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi
13-nji sentýabrda Türkmenistanyň Söwda-senagat edarasynyň binasynda Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi. Mejlis Türkmenistanyň Ministrler Kabinetiniň Başlygynyň orunbasary — Toparyň türkmen böleginiň başlygy Şahym Abdrahmanowyň hem-de Ermenistan Respublikasynyň Çäk müdirligi we infrastrukturalar ministri Gnel Sanosýanyň — Toparyň ermeni böleginiň başlygynyň ýolbaşçylygynda geçirildi.