«Türkmenistanyň nebiti we gazy – 2022» XXVII Halkara forumyna gatnaşyjylary bellige almaklyk tamamlanýar
19:58 19.10.2022 8113
Eýýäm bir hepdeden — 26-njy oktýabrda «Türkmengaz» we «Türkmennebit» döwlet konsernleri, Türkmenistanyň Söwda-senagat edarasy we «Türkmengeologiýa» döwlet korporasiýasy tarapyndan guraljak «Türkmenistanyň nebiti we gazy – 2022» Halkara forumy öz işine başlar. Bu möhüm pudaklaýyn çäräni guramakda GaffneyCline britan kompaniýasynyň goldaw bermeginde «Turkmen Forum» HJ hyzmatdaş bolup çykyş edýär.
Guramaçylaryň habar berşi ýaly, OGT 2022-ä gatnaşmak üçin eýýäm 450-den gowrak wekil bellige alyndy. Şolardan 353-si foruma ýüzbe-ýüz görnüşde, 100-si bolsa onlaýn gatnaşar.
Foruma ýüzbe-ýüz gatnaşmak üçin bellige almaklyk 16-njy oktýabrda tamamlandy, onlaýn bellige almaklyk 20-nji oktýabra çenli açyk bolar.
OGT 2022 maslahatynyň we sergisiniň maksady halkara dialogyny berkitmek, dünýäniň energetika ulgamynda iň täze tendensiýalary gözden geçirmek we Türkmenistanyň mümkinçilikleri barada habar bermek arkaly onuň nebitgaz toplumyna göni daşary ýurt maýa goýumlaryny çekmek bolup durýar.
Ýurdumyzyň ýerastynda ýatan uglewodorod serişdeleriniň ägirt uly gorlary barada abraýly daşary ýurt çeşmeleri hem habar berýär. «Türkmenistan nebite we aýratyn hem tebigy gazyň ätiýaçlyklaryna baý» diýlip, ABŞ-nyň Söwda ministrliginiň Halkara söwdasyny dolandyrmak müdirliginiň gözükdirmesinde bellenilýär. Onda şeýle hem British Petroleum-nyň (BP) 2021-nji ýyl boýunça dünýä energetikasyna statistiki synynyň barlagy getirilýär, onda «2020-nji ýylyň aýagyna çenli ýagdaýa görä, Türkmenistanda nebitiň subut edilen gorunyň 600 mln barreli we tebigy gazyň subut edilen ätiýaçlyklarynyň 19,5 trln kub metri bar.
Şol hasabata laýyklykda, 2020-nji ýylda Türkmenistan 59 mlrd kub metr tebigy gaz çykardy, şolardan içerki bazara 31,3 mlrd kub metri sarp edilip, galan bölegi eksporta iberildi.
Türkmenistanyň energetika syýasaty giň halkara hyzmatdaşlygynyň esasynda ýurduň ägirt uly nebit we gaz ätiýaçlyklaryny tapgyrlaýyn we has netijeli özleşdirmekligi, uglewodorod ýataklaryny işläp taýýarlamaklygyň ekologiýa jähtlerini göz öňünde tutýan döwrebap tehnologiýalary çekmekligi we nebit we gaz himiýanyň taýýar önümleriniň önümçiligini göz öňünde tutýar.
OGT 2022 forumy bar bolan hyzmatdaşlyk gatnaşyklaryny berkitmek we täze işewür mümkinçilikleri döretmek, professional aragatnaşyklary giňeltmek we energetikanyň hem-de tebigy gazyň ähli toplumlarynda gatnaşyklary ýola goýmak üçin oňat meýdança bolar.
«Türkmenistanyň nebiti, gazy we mineral serişdeleri» žurnalynyň täze sany
,,Türkmenistan – parahatçylygyň we ynanyşmagyň Watany’’ ýylynda mukaddes Garaşsyzlygymyzyň 30 ýyllyk şanly senesiniň uly toý tutumlaryna beslenýän günlerinde ,,Türkmennebit’’ döwlet konserniniň ,,Türkmenistanyň nebiti, gazy we mineral serişdeleri’’ syýasy-jemgyýetçilik we ylmy-publisistik žurnalynyň nobatdaky üçünji sany çapdan çykdy.
Türkmenistanyň Prezidenti Pakistanyň täze ilçisi bilen energetika taslamalaryny durmuşa geçirmegi işjeňleşdirmegiň mümkinçiliklerini maslahatlaşdy
16-njy aprelde Prezident Serdar Berdimuhamedow Pakistanyň Türkmenistanda täze bellenen ilçisi Ahsan Wagan bilen geçiren duşuşygynda bilelikdäki energetika taslamalaryny durmuşa geçirmegiň depginini artdyrmak meselesini maslahatlaşdy. Ilçi döwlet Baştutanyna ynanç hatyny gowşurdy diýip, TDH habar berdi.
Serdar Berdimuhamedow BMG-niň Ilatly nokatlar boýunça maksatnamasynyň wekili bilen şähergurluşykda hyzmatdaşlygy maslahatlaşdy
16-njy aprelde Prezident Serdar Berdimuhamedow Birleşen Milletler Guramasynyň Ilatly nokatlar boýunça maksatnamasynyň (UN-Habitat) Ýerine ýetiriji direktorynyň wezipesini wagtlaýyn ýerine ýetiriji Mihal Mlynar bilen duşuşygynda şähergurluşygy ulgamynda hyzmatdaşlygyň geljegini maslahatlaşdy diýip, TDH habar berýär.
Türkmenistanyň Prezidenti: «EKSPO — 2020» sergisi dünýä döwletleriniň arasynda hoşniýetli gatnaşyklary pugtalandyrmaga mümkinçilik berer
1-nji oktýabrda Dubaýda «EKSPO — 2020» Bütindünýä sergisi açyldy. Ol COVID-19 pandemiýasy zerarly bir ýyl yza süýşürilipdi. 190-dan gowrak döwlet 182 günüň dowamynda tehnika, ylym we sungat ulgamlarynda öz gazananlaryny we innowasiýalaryny görkezer. Bu iri halkara gözden geçirilişine Türkmenistan hem gatnaşýar.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.