Türkmenistanyň Prezidentiniň «Türkmeniň döwletlilik ýörelgesi» atly täze kitabynyň tanyşdyrylyş dabarasy geçirildi
15:19 10.09.2020 9475
2020-nji ýylyň 8-nji sentýabrynda Türkmenistanyň DIM-iň Halkara gatnaşyklary institutynda Türkmenistanyň Prezidenti Gurbanguly Berdimuhamedowyň «Türkmeniň döwletlilik ýörelgesi» atly täze kitabynyň tanyşdyrylyş dabarasy geçirildi.
Çärä Türkmenistanyň Daşary işler ministrliginiň wekilleri, Türkmenistanyň ýokary okuw mekdepleriniň we ylmy institutlarynyň ýolbaşçylary, professor-mugallymlary hem-de talyplary, diplomatik we halkara guramalaryň wekilhanalarynyň ýolbaşçylary şeýle-de KHBS-niň wekilleri gatnaşdylar.
Çäre dabaraly ýagdaýda geçirildi. Gatnaşyjylar eseriň esasy manysyny şöhlelendirýän çykyşlaryň birnäçesini diňlediler. Tanyşdyrylyş dabarasynyň açylyşynda çykyş eden Türkmenistanyň DIM-iň Halkara gatnaşyklary institutynyň rektory J.Gurbangeldiýew kitabyň aýratynlyklary, onuň milli we dünýä gymmatlyklaryny ösdürmekdäki esasy orny barada aýtdy. Bu eseriň ýaş nesli ynsanperwerlik we watansöýüjilik ruhunda terbiýelemek işinde ýolgörkeziji bolup hyzmat etjekdigi barada bellenilip geçildi.
Çäräniň dowamynda çykyş eden Özbegistan Respublikasynyň Türkmenistandaky Adatdan daşary we Doly ygtyýarly Ilçisi A.Kuçkarow bu eseriň Türkmenistanyň Prezidentiniň kitaplarynyň iň täsirlisi we meşhury bolandygyny nygtap, onuň türkmen halkynyň baý ruhy dünýäsini açyp görkezýändigini, milli däp-dessurlarynyň aýratynlyklaryny şöhlelendirýändigini we ýaşlary ruhy ahlak taýdan terbiýelemekde esasy gymmatlyk bolup durýandygyny nygtady.
Şeýle-de tanyşdyryş dabarasynda BAE-niň Türkmenistandaky Ilçihanasynyň işleri wagtlaýyn ynanylan wekili Abdulaziz Al Haşimi çykyş etdi. Ol bu eseriň dünýä döwletleriniň we halklarynyň arasyndaky dostlukly gatnaşyklary ösdürmek nukdaýnazaryndan wajyplygy barada gürrüň berdi.
Çykyş edenleriň belleýişleri ýaly, «Türkmeniň döwletlilik ýörelgesi» - bu kitap türkmen halkyna mahsus bolan ýokary ynsanperwerlik ýörelgeleri, belent adamkärçilik, Watana bolan wepalylyk we päk ahlaklylyk baradadyr. Awtor ata-babalarymyzyň wesýet eden taglymatlaryny, öwütlerini gorap saklamaga we parahatçylyk, hoşniýetlilik, birek birege sarpa goýmak ýoly arkaly ählumumy ösüşe çagyrýar. Bu ýerde şeýle-de adamzadyň we tebigatyň arasyndaky sazlaşygy gorap saklamaklygyň wajyplygy barada aýdylýar.
Aşgabatda «Türkmenistanyň gurluşygy, senagaty we energetikasy» atly Halkara forum geçiriler
6-7-nji awgustda Aşgabatda «Türkmenistanyň gurluşygy, senagaty we energetikasy – 2022» atly Halkara sergisi we maslahaty geçiriler. Forum gurluşyk we senagat toplumynyň işgärleriniň gününe bagyşlanýar.
Eýranyň Prezidenti bilen duşuşykda energetika, ulag we beýleki ugurlarda hyzmatdaşlygyň geljegi ara alnyp maslahatlaşyldy
Eýran Türkmenistan bilen energetika, ulag, suw çeşmeleri we beýleki ugurlarda konstruktiw hyzmatdaşlygy dowam etdirmeklige ygrarly. Bu barada 12-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň ýolbaşçylygyndaky Türkmenistanyň wekiliýetiniň Tährana amala aşyran saparynyň çäginde Eýran Yslam Respublikasynyň Prezidenti Masud Pezeşkian bilen geçiren duşuşygynda aýdyldy. Muny Türkmenistanyň DIM-i habar berýär.
“Uzynada” känindäki nobatdaky guýudan uglewodorodlaryň senagat akymy alyndy
«Türkmennebit» döwlet konserniniň «Nebitgazburawlaýyş» trestiniň burawlaýjylary «Uzynada» känindäki 85 belgili täze çuň guýynyň buraw we gurluşyk işleri tamamlanyp, önümçilige girizdiler. Guýynyň çuňlugy 6 müň 830 metr bolup, ondan gije-gündiziň dowamynda nebit kondensatynyň 70 tonnasy hem-de 75 müň kub metr tebigy gazyň akymy alyndy.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
OPEC+ ýurtlary sentýabrda nebit çykarmagyň çägini günde 100 müň barrele çenli artdyrmagy karar berdiler
OPEC+ ministrleri sentýabrda nebit çykarmagyň çägini günde 100 müň barrele çenli artdyrmagy karar berdiler diýip, çarşenbe güni Interfaks wekiliýetleriň birindäki çeşmesine salgylanyp habar berdi.