«Üçajy» käninde türkmen ýangyjynyň bökdençsiz çykarylmagy we eksporty üpjün edilýär
14:43 18.09.2020 5075
«Türkmengaz» döwlet konserniniň «Marygazçykaryş» müdirliginiň hünärmenleri «Üçajy» käninde harytlyk «mawy ýangyjyň» dünýä ülňülerine laýyklykda çykarylmagy we eksport edilmegi boýunça işleri dowam etdirýärler.
Ýüze golaý hünärmen we gazçy zähmet çekýän önümçilik toplumynda iş iki çalşykda alnyp barylýar. Düýpli arassalanan we guradylan gaz ýokary basyşly turba geçirijilerden geçip, sarp edijilere ýetirilýär. 2020-nji ýylyň 8 aýynyň netijeleri boýunça günlük ortaça çykarylyş 24-25 mln kub metre barabar boldy.
«Üçajy» käniniň önümçilik toplumyna iň döwrebap enjamlar bilen enjamlaşdyrylan birnäçe desgalara girýär. «Ýolgun», «10 ýyl Garaşsyzlyk» hem-de «Çymçykly» känlerinden bu ýere gelýän tebigy gaz gazy arassalaýan we guradýan üçünji sehe geçirilýär. Sehdäki iş prosesleriniň ählisi kompýuter ulgamlaryny ornaşdyrmak arkaly awtomatlaşdyryldy.
Bu ýerde şeýle hem günlük taslama kuwwaty 33 mln kub metre barabar bolan gaz kompressor bekedi hereket edýär. Birnäçe ýyl mundan öň geçirilen düýpli abatlaýyş işlerinden soň, beketde dünýä belli öndürijilerinden satyn alnan häzirki zaman enjamlary we tehnologik enjamlar oturdyldy.
Arassalaýjy we filtrden geçiriji desgalaryň tutuş toplumyny peýdalanmak arkaly bekediň işi gazyň bökdençsiz iberilmegini üpjün etmäge mümkinçilik berýär.
Türkmenistanyň döwlet düzümleri Owganystan bilen döwlet serhetleriniň goragy boýunça «Таliban» hereketiniň wekilleri bilen gatnaşyklary saklaýarlar
Türkmenistanyň Daşary işler ministrliginiň Metbugat gullugynyň habar bermegine görä, ýurduň diplomatik gullugynyň we beýleki döwlet edaralarynyň işgärleri döwlet serhediniň goraglylygy, gümrük, sanitar, fitosanitar we ýükleriň serhet üstünden geçirilmeginde amal edilýän barlagyň hem-de gözegçiligiň gaýry görnüşleriniň meseleleri babatynda «Таliban» hereketiniň wekilleri bilen yzygiderli gatnaşyklary saklaýarlar.
«Taliban» hereketi TOPH we Owganystandaky beýleki infrastruktura taslamalaryny durmuşa geçirmäge gyzyklanma bildirýär - wekil
«Taliban» hereketi Türkmenistan – Owganystan – Pakistan – Hindistan (TOPH) transmilli gaz geçirijisiniň gurluşygyna we ýurtdaky beýleki iri infrastruktura taslamalaryny durmuşa geçirmeklige gyzyklanma bildirýär. Bu barada hereketiň Katardaky syýasy edarasynyň resmi wekili Mohammed Suheýl Şahin sişenbe güni Sky News teleýaýlymyna beren interwýusynda belledi.
Türkmenistan daşary ýurt raýatlarynyň Owganystandan äkidilmegi üçin daşary ýurt uçarlaryna howa giňişligini üpjün edýär
Türkmenistan daşary ýurtlaryň raýatlarynyň daşary ýurt döwletleriniň howa gämileri bilen äkidilmegi üçin özüniň howa giňişligini üpjün edýändir diýip, Türkmenistanyň DIM-niň Metbugat gullugy penşenbe güni habar berdi.
Türkmenistanyň we Eýranyň Prezidentleri telefon arkaly hyzmatdaşlygyň ileri tutulýan ugurlaryny maslahatlaşdylar
Prezident Serdar Berdimuhamedow sişenbe güni Eýran Yslam Respublikasynyň Prezidenti Seýed Ebrahim Raisi bilen geçiren telefon arkaly söhbetdeşliginde döwletara gatnaşyklarynyň ileri tutulýan meselelerini maslahatlaşdylar diýip, TDH habar berýär.
Türkmenistanyň Owganystandaky Ilçihanasy we Baş konsullyklary adaty tertipde işlemeklerini dowam edýärler — DIM
Owganystandaky häzirki içeri syýasat wakalary bilen baglylykda Türkmenistanyň Daşary işler ministrligi habar berýär, ýagny Türkmenistanyň Kabuldaky Ilçihanasy we ýurduň Hyratdaky hem-de Mazari-Şerifdäki Baş konsullyklary adaty tertipde işlemeklerini dowam edýärler. Bu barada Türkmenistanyň DIM-niň Metbugat gullugy habar berýär.