«Lebapnebitgazgözleg» ekspedisiýasy Uzynada meýdançasynda nobatdaky guýuda buraw işlerini geçirýär
17:25 14.04.2023 7646
«Türkmengeologiýa» döwlet korporasiýasynyň «Lebapnebitgazgözleg» ekspedisiýasynyň işgärleri Uzynada meýdançasynda 16-njy gözleg guýusynda buraw işlerini geçirýärler.
Guýynyň taslama çuňlugy 6800 metr. Bu günki gün eýýäm 5000 metrden gowrak çuňluk burawlandy.
Burawçylar toparyna buraw desgasynyň başlygy Halmyrat Rozyýew ýolbaşçylyk edýär. Watanymyzy ösdürmek ugrunda goşan goşandy hem-de halal zähmeti üçin ol «Türkmenistanyň Garaşsyzlygynyň 20 ýyllygy» ýubileý medalyna mynasyp boldy. Soňky birnäçe ýylda Halmyrat Rozyýewiň ýolbaşçylygynda burawçylar ýurdumyzyň geljegi uly känlerinde zähmet çekýärler.
Häzirki wagtda olar Hazar deňziniň kenarynda ýerleşen Uzynada käninde zähmet çekýärler. Eýýäm birnäçe ýyldan bäri bu meýdançada gözleg burawlamasy boýunça giň gerimli işler alnyp barylýar. Hut şu ýerde ýurdumyzda ilkinji aşa çuňlukdaky guýy burawlandy. Ýedi müň metr töweregi çuňlukdan nebitiň we gaz kondensatynyň senagat akymy alyndy. Soňra ýene-de şu çuňlukdaky iki guýy burawlandy, olardan hem uglewodorod çig malynyň baý akymy alyndy.
— Biz bildirilen talaplara laýyklykda, işleri bellenilen möhletlerde ýerine ýetirmek üçin ähli tagallalary edýäris — diýip, Halmyrat Rozyýew aýdýar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.