Aşgabatda «Türkmenistanyň nebiti we gazy – 2023» halkara sergisi we maslahaty başlanýar
17:16 25.10.2023 10321
Şu gün Türkmenistanyň Söwda-senagat edarasynda «Türkmenistanyň nebiti we gazy — 2023» (OGT-2023) atly XXVIII Halkara maslahaty we sergisi öz işine başlady.
Iri çäräniň guramaçylary bolup, «Türkmennebit» we «Türkmengaz» döwlet konsernleri, «Türkmengeologiýa» döwlet korporasiýasy GaffneyCline britan kompaniýasynyň goldaw bermeginde «Türkmenistanyň Söwda-senagat edarasy bilen hyzmatdaşlykda çykyş edýär.
Günüň birinji ýarymynda OGT Expo halkara sergisiniň açylyş dabarasy boldy. Dabarada Prezident Serdar Berdimuhamedowyň «Türkmenistanyň nebiti we gazy — 2023» atly XXVIII halkara maslahata we sergä gatnaşyjylara iberen Gutlagy okaldy.
Gutlagda: «Her ýyl guralýan «Türkmenistanyň nebiti we gazy» atly pudaklaýyn sergi hem-de maslahat ýurdumyzyň nebitgaz pudagynyň kärhanalary bilen daşary ýurt kompaniýalarynyň arasynda hyzmatdaşlygyň ösdürilmegine uly itergi berýär. Bu forumyň ýurdumyzyň hünärmenleri üçin öz mümkinçiliklerini görkezmekde hem-de hyzmatdaşlary tapmakda oňat şertleri döretjekdigine ynanýaryn» diýlip bellenilýär.
Sergä dünýäniň 30 ýurdundan 50-ä golaý kompaniýa gatnaşýar. Umuman sergide 200 töweregi diwarlyklar hödürlenildi. Garaşylyşy ýaly, serginiň dowamynda oňa 10 müňden gowrak adam baryp görer.
Sergide ýerli we dünýäniň nebitgaz pudagynyň gazananlary hödürlenildi.
Ýurdumyzyň nebitgaz pudagynyň gazananlaryny «Türkmennebit» we «Türkmengaz» döwlet konsernleri, «Türkmengeologiýa» döwlet korporasiýasy diwarlyklarynda hödürledi.
Sergide şu ýyl hödürlenilen täze elementler milli we halkara nebit kompaniýalarynyň arasynda hyzmatdaşlygy berkitmäge gönükdirilendir.
Serginiň maksady energetika toplumyny mundan beýläk hem durnukly ösdürmek boýunça sebit gepleşiklerini berkitmek, dünýäniň energetika ulgamynyň soňky ýörelgelerine syn bermek we Türkmenistanyň nebitgaz pudagyna göni daşary ýurt maýa goýumlaryny çekmek bolup durýar.
Halkara sergi üç günläp — 28-nji oktýabra çenli dowam eder (28-i girýär).
Günüň ikinji ýarymynda “Türkmenistanyň nebit we gazy - 2023” atly halkara maslahaty geçiriler.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti: «Merkezi Aziýa + Russiýa» hyzmatdaşlyk formatynda ykdysadyýet ileri tutulýan ugur bolup durýar
«Merkezi Aziýa + Russiýa» altytaraplaýyn hyzmatdaşlygyň çäklerinde ykdysadyýet ileri tutulýan möhüm ugur bolup durýar. Bu pikiri Prezident Serdar Berdimuhamedow geçen anna güni Astanada geçirilen “Merkezi Aziýa — Russiýa” sammitiniň barşynda belledi.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Türkmenistanyň DIM-niň ýolbaşçysy Pakistanyň Senatynyň Başlygy bilen TOPH gaz geçirijisiniň gurluşygyny we beýleki meseleleri maslahatlaşdy
Türkmenistanyň DIM-nde daşary işler ministri Raşid Meredow bilen Aşgabada sapar bilen gelen Pakistanyň Senatynyň Başlygy Saýed Ýusuf Raza Gilaniniň arasynda geçirilen duşuşykda taraplar syýasy-diplomatik, söwda-ykdysady, medeni-ynsanperwer, energetika we ulag-aragatnaşyk pudaklaryndaky hyzmatdaşlygyň meseleleriniň giň toplumyny ara alyp maslahatlaşdylar. Bu barada türkmen daşary syýasat edarasynyň saýtynda habar berilýär.