Türkmenistanyň Prezidenti 2052-nji ýyla çenli Arkadag şäherini ösdürmegiň Konsepsiýasyny tassyklady
19:28 26.09.2024 3757
Prezident Serdar Berdimuhamedow Arkadag şäherini 2024 — 2052-nji ýyllarda ösdürmegiň Konsepsiýasyny tassyklamak hakynda Permana gol çekdi. Degişli resminama 25-nji sentýabrda resmi metbugatda çap edildi.
“Arkadag şäheriniň ähli ulgamlaryny sazlaşykly we durnukly ösdürmek, ilatyň ýaşamagyna, zähmet çekmegine, dynç almagyna gönükdirilen amatlyklary yzygiderli üpjün etmek, ýaşaýyş-durmuş derejesini has-da ýokarlandyrmak maksady bilen, karar edýärin: Arkadag şäherini 2024 — 2052-nji ýyllarda ösdürmegiň Konsepsiýasyny tassyklamaly” diýlip resminamada aýdylýar.
Degişli ministrlikler, pudaklaýyn dolandyryş edaralary we Arkadag şäheriniň häkimligi şu Permanyň birinji böleginde görkezilen Konsepsiýanyň amala aşyrylmagyny üpjün eder.
Prezident Serdar Berdimuhamedow Halk Maslahatynyň mejlisinde eden çykyşynda belleýşi ýaly, “Şu ýyl Gahryman Arkadagymyzyň başlangyjy bilen ýurdumyzyň taryhynda ilkinji gurlan «akylly» şäher — Arkadag şäheriniň dabaraly açylyşynyň bir ýyllygy ýokary derejede bellenildi. Ýakynda Koreýa Respublikasynda guralan halkara sergide bolsa Arkadag şäheri üç sany baýraga mynasyp boldy”.
Bellenilişi ýaly, häzirki wagtda Arkadag şäheriniň gurluşygynyň ikinji tapgyry dowam edýär.
2026-njy ýyla çenli onuň ikinji tapgyrynyň çäklerinde ähli amatlyklary bolan ýaşaýyş jaýlary, senagat önümçiliklerine ýöriteleşdirilen desgalar, medeni-durmuş maksatly binalar gurlup ulanmaga berler. Biz halkymyzyň ýaşaýyş-durmuş derejesini ýokarlandyrmagy geljekde hem dowam ederis. Munuň özi mähriban halkymyzyň abadançylygy baradaky aladanyň döwlet syýasatynda ileri tutulýan ugur bolup durýandygyny ýene-de bir gezek aýdyň tassyklaýar diýip, döwlet Baştutany nygtady.
Türkmenistan bilen Ýewropa Bileleşiginiň maslahatynda hyzmatdaşlygyň ileri tutulýan ugurlary maslahatlaşyldy
14-nji maýda Türkmenistanyň Daşary işler ministrliginde geçirilen Türkmenistanyň we Ýewropa Bileleşiginiň «Türkmenistanyň we Ýewropa Bileleşiginiň arasyndaky hyzmatdaşlygyň 30 ýyllygy: geljegiň hatyrasyna bilelikdäki işler» atly Bilelikdäki maslahatynda hyzmatdaşlygyň ileri tutulýan ugurlary maslahatlaşyldy diýip, Türkmenistanyň DIM-i habar berýär.
Türkmenistanyň we Owganystanyň DIM-niň ýolbaşçylary bilelikdäki infrastruktura taslamalaryny ýerine ýetirmekligi maslahatlaşdylar
Türkmenistanyň Daşary işler ministri Raşid Meredow Owganystanyň daşary syýasat edarasynyň ýolbaşçysy Amir Han Mottaki bilen duşuşygynyň barşynda bilelikdäki infrastruktura taslamalarynyň ýerine ýetirilişini maslahatlaşdylar. Bu barada Türkmenistanyň DIM-niň saýty habar berýär.
Aşgabatda «Türkmenistanyň nebiti we gazy» Halkara maýa goýum forumy tamamlandy
Çarşenbe güni Türkmenistanyň paýtagtynda «Türkmenistanyň nebiti we gazy» Halkara maýa goýum forumynyň ikinji — jemleýji güni geçirildi. Onuň çäklerinde öňdebaryjy nebitgaz kompaniýalarynyň täze işläp taýýarlamalar we pudakda gazanan tejribeleri barada çykyşlary diňlenildi.
Ahmet Jumaýew “Türkmengeologiýa” döwlet korporasiýasynyň Ahal geofizika ekspedisiýasynyň başlygynyň wezipesini ýerine ýetiriji
Türkmenistanyň nebitgaz pudagyna daşary ýurt maýalaryny çekmek boýunça halkara maslahatyna gatnaşyjylar okyjylarymyza forumda ara alnyp maslahatlaşylan möhüm meseleler barada gürrüň berdiler.
Saparguly Berdiýew - "Türkmennebitönümleri" baş müdirliginiň önümçilik meseleler we innowasion tehnologiýalar boýunça bölümiň başlygy
Türkmenistanyň nebitgaz pudagyna daşary ýurt maýalaryny çekmek boýunça halkara maslahatyna gatnaşyjylar okyjylarymyza forumda ara alnyp maslahatlaşylan möhüm meseleler barada gürrüň berdiler.