Maý aýynda Aşgabatda OGT — 2021 maýa goýum halkara forumy geçiriler
21:28 16.03.2021 4291
Türkmenistanyň Garaşsyzlygynyň 30 ýyllygy mynasybetli «Türkmenistanyň nebiti we gazy — 2021» (OGT 2021) – Halkara maýa goýum forumy 2021-nji ýylyň 12-13-nji maýynda Aşgabatda geçiriler. Bu barada çäräni guraýjylaryň web sahypasynda habar berilýär.
Bu forum «Türkmengaz» döwlet konserni tarapyndan «Turkmen forum» we «GaffneyCline» (Beýik Britaniýa) kompaniýalar topary bilen bilen bilelikde guralar. Halkara forumy Türkmenistanyň nebitgaz pudagyna maýa goýumlaryny çekmek, Türkmenistanyň döwlet düzümleri bilen halkara nebitgaz kompaniýalarynyň arasynda halkara hyzmatdaşlygyny ösdürmek we pugtalandyrmak maksady bilen geçirilen abraýly iş forumyna öwrüler.
Forumda Türkmenistanyň nebitgaz pudagynda maýa goýum mümkinçilikleri, iň täze nebithimiýa taslamalary we taslama mümkinçilikleri barada jikme-jik maglumat berler we dünýäniň öňdebaryjy nebitgaz kompaniýalary öz tejribelerini paýlaşarlar.
Forumyň barşynda ýangyç-energetika toplumynyň ösüşindäki ählumumy tendensiýalar, Türkmenistanyň energetika diplomatiýasy, TOPH gaz geçirijisiniň taslamasynyň durmuşa geçirilmegi, Hazar deňziniň türkmen bölegine maýa goýumlaryny çekmek, gaz-himiýa taslamalarynyň geljegi we ş.m. meseleler ara alnyp maslahatlaşylar.
Şeýle hem tejribe alyşmak hem-de Türkmenistanyň nebitgaz toplumynda häzirki wagtda durmuşa geçirilýän esasy taslamalaryň derejesi barada gatnaşyjylary habarly etmek üçin prezentasiýalar we panelleýin gepleşikler meýilleşdiriýär.
Foruma Türkmenistanyň nebitgaz pudagynyň ýolbaşçylarynyň, öňdebaryjy halkara nebitgaz kompaniýalarynyň, şeýle hem iri halkara maliýe guramalarynyň wekilleriniň gatnaşmagyna garaşylýar.
Däp bolan formatdan başga-da, Zoom Professional platformasynyň binýadynda onlaýn görkezişi guramak meýilleşdirilýär. Türkmenistanyň nebitgaz toplumynyň ýolbaşçylary bilen hem duşuşyklary geçirmekde şu iki usuldan — onlaýn hem janly gepleşikden peýdalanmak meýilleşdirilýär.
Forum barada has giňişleýin maglumat guramaçylaryň web sahypasynda berlendir: www.ogt-turkmenistan.com
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
TDHÇMB-niň söwdalarynda awiakerosin we karbamid eksport edildi
Duşenbe güni, 29-njy awgustda Türkmenistanyň Döwlet haryt-çig mal biržasynyň söwdalarynda umumy bahasy 18,1 mln amerikan dollaryna we 416,4 müň türkmen manadyna barabar bolan 7 sany geleşik baglaşyldy diýip, ORIENT habarlar agentligi habar berýär.
Iki ýurduň DIM-niň ýolbaşçylary Türkmenistanyň Prezidentiniň Katara resmi saparynyň guramaçylygyny maslahatlaşdy
Türkmenistanyň Daşary işler ministri Raşid Meredow Katar Döwletiniň Daşary işler ministri Muhammed ben Abdel Rahman Al Tani bilen geçiren telefon arkaly söhbetdeşliginde Türkmenistanyň Prezidenti Serdar Berdimuhamedowyň Katar Döwletine resmi saparynyň gurnalmagynyň mümkinçiliklerini ara alyp maslahatlaşdy. Bu barada Türkmenistanyň daşary syýasat edarasynyň saýty habar berýär.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.