CNPC Türkmenistanyň Halkara nebitgaz forumynyň altyn hemaýatkäri boldy
10:52 27.04.2021 8173
12-13-nji maýda Aşgabatda geçiriljek Türkmenistanyň nebitgaz toplumyna maýa goýumlaryny çekmek boýunça Halkara forumyň altyn hemaýatkäri hökmünde CNPC hytaý kompaniýasy çykyş eder.
Türkmenistanyň Garaşsyzlygynyň 30 ýyllygy mynasybetli geçirilýän bu duşuşykda bazaryň öňdebaryjy gatnaşyjylary, maliýe işgärleri, alymlar we bilermenler ýygnanar, olar ýangyç-energetika pudagynyň we geosyýasy ösüşiň häzirki ýörelgeleri barada pikirleri we analitiki netijeleri hödürlär.
CNPC dünýädäki iň uly 50 nebit we gaz kompaniýasynyň sanawynda üçünji, dünýädäki TOP-500 kompaniýalarynda dördünji orunda durýar.
2007-nji ýylyň 17-nji iýulynda Türkmenistanyň Prezidenti Gurbanguly Berdimuhamedowyň Hytaýa döwlet sapary wagtynda «Bagtyýarlyk» şertnamalaýyn çägi boýunça Önüm paýlaşmak şertnamasy we «Türkmengaz» döwlet konserni bilen CNPC-niň arasynda tebigy gaz satmak we satyn almak şertnamasy baglaşyldy.
Bu resminamalara laýyklykda, CNPC «Bagtyýarlyk» şertnamalaýyn çäginde tebigy gaz gözleg, işläp düzmek we öndürmek, şeýle hem Türkmenistan-Hytaý gaz geçirijisi arkaly Hytaýa tebigy gaz ibermek boýunça doly göwrümli işleri amala aşyrar.
Bu transmilli turbageçirijiniň açylyş dabarasy 2009-njy ýylyň 14-nji dekabrynda Türkmenistanyň, Özbegistanyň, Gazagystanyň we Hytaýyň Prezidentleriniň gatnaşmagynda geçirildi.
Häzirki wagtda Türkmenistan-Hytaý turbageçirijisiniň 3 ugry bar: A, B we C şahalary hereket edýär. Geljekde D şahasyny gurmak meýilleşdirilýär.
Türkmenistan-Hytaý turbageçirijisiniň 10 ýyl ulanyşynda tebigy gaz eksportynyň umumy mukdary takmynan 296 milliard kub metre ýetdi.
CNPC hyzmatdaşlygyň durmuş düzümine, esasanam, Türkmenistanda sport hereketiniň ösmegine goşant goşýar. Şeýle hem bu kompaniýa, HHR-iň ýokary okuw jaýlarynda türkmen ýaşlary üçin hünär bilimini almaklygy guraýar gatnaşýar.
Tebigy gaz gorlary taýdan Türkmenistan dünýäniň iň baý ýurtlaryndan biri, Hytaýda bolsa “mawy ýangyja” bolan islegiň ýokarlanmagyna yzygiderli gözegçilik edilýär. Şol sebäpli energiýa hyzmatdaşlygy iki ýurt üçin hem peýdaly we geljegi uly hadysadyr.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.