«Türkmenistanyň nebiti we gazy» Forumyna taýýarlyk görülýär
14:25 25.03.2022 5098
Geljek hepdede — 29-30-njy martda «Türkmenistanyň nebiti we gazy» Halkara maýa goýum forumy geçiriler. Onuň guramaçylary bolup, «Türkmengaz», «Türkmennebit» we «Türkmenhimiýa» döwlet konsernleri hem-de «Türkmengeologiýa» döwlet korporasiýasy «Turkmen Forum» we GaffneyCline britan kompaniýasy bilen hyzmatdaşlykda çykyş edýär.
Bu abraýly işewürlik forumy Türkmenistanyň nebitgaz toplumyna maýa goýumlaryny çekmek, türkmen döwlet edaralary bilen halkara nebitgaz kompaniýalarynyň arasynda hyzmatdaşlygy ösdürmek we berkitmek maksady bilen geçirilýär.
Forumyň resmi hyzmatdaşlarynyň sanawy ýurdumyz bilen hyzmatdaşlygy giňeltmäge daşary ýurt kompaniýalarynyň gyzyklanmasyndan habar berýär. Forumyň esasy hyzmatdaşy — SOCAR azerbaýjan kompaniýasy. CNPC hytaý kompaniýasy — platina hemaýatkäri, Dragon Oil arap kompaniýasy — altyn hemaýatkär, «Westport Trading Europe Limited (WTL) we «Yug-Neftegaz Private Limited» - kümüş hemaýatkäri, Petronas kompaniýasy, «Mitro International Limited» we ARETI halkara kompaniýalar topary — bürünç hemaýatkär boldular.
Forumyň habar beriş hemaýatkärleriniň arasynda — daşary ýurtlaryň iri habarlar agentlikleri we täzelikler neşirleri, şol sanda REUTERS, TRT, AFP, ИНТЕРФАКС, RT, Trend, CHINADAILY, SNG.TODAY we Türkmenistanyň birnäçe habar beriş serişdeleri bar. Bu bolsa, Forumyň işiniň, onda öňe sürüljek çykyşlaryň dünýä jemgyýetçiligine giňden ýetiriljekdigini aňladýar.
Forumyň barşynda Türkmenistanyň nebitgaz toplumynda maýa goýumlaryna, iň täze nebithimiýa taslamalaryna we taslama mümkinçiliklerine jikme-jik seljerme berler, öňdebaryjy nebitgaz kompaniýalary tejribesi we garaýyşlary bilen paýlaşar.
Forumyň barşynda ýangyç-energetika toplumynyň ösüşiniň dünýä ýörelgeleri, Türkmenistanyň energetika diplomatiýasy, TOPH gaz geçirijisiniň durmuşa geçirilişi, Hazar deňziniň türkmen kenaryna maýa goýumlary çekmek, gazhimiýa taslamalarynyň geljegi we beýleki meselelere garalar.
Tejribe alyşmak hem-de Türkmenistanda häzirki wagtda durmuşa geçirilýän taslamalar barada foruma gatnaşyjylara habar bermek üçin panelleýin mejlisleri we prezentasiýalary geçirmek meýilleşdirilýär.
Foruma Türkmenistanyň nebitgaz toplumynyň ýolbaşçylary we döwlet edaralarynyň wekilleri bilen bir hatarda öňdebaryjy halkara nebitgaz kompaniýalarynyň, şeýle hem halkara maliýe institutlarynyň wekilleri gatnaşar.
Däp bolan görnüş bilen birlikde, foruma Zoom Professional platformasy arkaly dünýä döwletlerinden wekiller onlaýn gatnaşyp biler. Bu format Türkmenistanyň nebitgaz toplumynyň ýokary wezipeli ýolbaşçylary bilen gepleşikleri guramak üçin hem ulanylar.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
TDHÇMB-niň söwdalarynda daşary ýurtlara «Türkmennebit» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 38-si hasaba alyndy.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.