«Türkmennebit» döwlet konserni giň halkara hyzmatdaşlygyny nazarlaýar
09:05 31.03.2022 7014
Şu gün «Türkmennebit» döwlet konserniniň nebit gorlary esasan Türkmenistanyň günbatarynda jemlenilip, 30-dan gowrak ýatagy öz içine alýar. Olar işläp taýýarlamagyň dürli tapgyryndadyr. Bu barada «Türkmennebit» döwlet konserniniň başlygy Güýçgeldi Baýgeldiýew Türkmenistanyň nebitgaz toplumyna daşary ýurt maýa goýumlaryny çekmek boýunça Halkara forumyň ikinji gününde eden çykyşynda belläp geçdi.
Bu çäk dünýäniň iň gadymy nebit sebitine degişlidir, bu ýerde «gara altynyň» senagat taýdan özleşdirilmesi XIX asyryň ahyrynda başlandy. Ýurdumyzda nebit we gaz ýataklaryny senagat taýdan özleşdirmegiň bütin taryhynda baý tejribe toplanyldy.
Bu günki gün konsern nebit we gaz gözläp, çuň we aşa çuňlukdaky guýularyň buraw işlerini amala aşyrýar diýip, Baýgeldiýew belledi. Netijede, häzirki wagtda 7000 metr çuňlukda buraw işleri ýerine ýetirildi we Uzynada käninde birnäçe guýy senagat taýdan özleşdirildi. Bu ýerden nebit kondensatynyň gündelik debiti 200 tonnasy we gazyň 500 müň kub metri bolan senagat akymy alyndy.
Nebitgaz toplumynyň öňünde goýlan wezipeleri üstünlikli çözmek we nebit çykarylyşynyň möçberini artdyrmak boýunça bellenilen meýilnamalary öz wagtynda ýerine ýetirmek maksady bilen Türkmenistanyň Prezidenti 8-nji fewralda «Türkmennebit» DK 250 million manat möçberde maýa goýumlaryny bölüp bermek hakynda resminama gol çekdi. Bu serişdelere nebitgaz känlerini gözlemäge we özleşdirmäge gönükdiriler.
Hazar deňziniň türkmen kenaryndan uzakda ýerleşmedik Uzynada meýdançasynyň açylmagy diňe bir Türkmenistanyň gury ýerlerinde uglewodorodlary gözlemäge giň mümkinçilikleri açmak bilen çäklenmän, eýsem Hazar deňzinde hem täze känleri açmak mümkinçiligini ýokarlandyrýar. Bu bolsa, öz gezeginde, geljegi uly känleri açmakda daşary ýurt maýalarynyň özüne çekijiligini artdyrýar.
Baýgeldiýewiň belleýşi ýaly, Hazar deňziniň 12,1 mlrd tonna nebit we 6,1 trln kub metr gaz möçberde çaklanylýan uglewodorod serişdeleriniň özleşdirilmegi ileri tutulýan ugurlaryň biri bolup, bu ugurda daşary ýurt göni maýa goýumlary ulanylyp bilner.
Şeýle hem bellenilişi ýaly, 202-nji ýylyň 1-nji iýulyndan «Uglewodorod serişdeleri hakynda» Türkmenistanyň Kanunyna girizilen üýtgeşmeler güýje girdi. Üýtgeşmelere laýyklykda, uglewodorodlary çykarmak bilen bir hatarda, daşary ýurtly maýadarlara nebiti we gazy gaýtadan işlemäge hem mümkinçilik berilýär.
Hazar sebitiniň ösüşine itergi beren möhüm ähmiýete eýe bolan resminamalaryň biri hem 2021-nji ýylyň ýanwarynda Hazar deňzindäki «Dostluk» känini bilelikde işläp taýýarlamak we özleşdirmek hakynda Türkmenistan bilen Azerbaýjanyň Hökümetleriniň arasynda özara düşünişmek hakynda gol çekilen resminama bolup durýar diýip, Baýgeldiýew belledi.
Soňra foruma gatnaşyjylara «Türkmennebit» döwlet konserniniň işiniň esasy ugurlaryna gönükdirilen wideorolik görkezildi.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.