ÝB-niň Geňeşi energiýa geçirijileriň bahalaryny we ÝB-niň energiýa üpjünçiliginiň howpsuzlygyny maslahatlaşdy
16:31 09.09.2022 10027
Anna güni Brýusselde energetika boýunça Ýewropa Bileleşiginiň nobatdan daşary Geňeşi geçiriler. Onuň barşynda energiýa geçirijileriň bazarynda ýokary bahalar we Ýewropa Bileleşiginiň ýurtlarynyň energiýa üpjünçiliginiň howpsuzlyk meseleleri ara alnyp maslahatlaşylar diýip, Brýusselde neşir edilen beýanda aýdylýar.
«ÝB-niň energetika ministrleri iki mejlisiň barşynda pikir alşarlar. Birinji mejlisiň barşynda energiýanyň ýokary bahalaryny pese düşürmek maksady bilen mümkin bolan gyssagly çäreler ara alnyp maslahatlaşylar. Soňra ministrler ýurtlarynyň geljek gyş möwsümine taýýarlyk ýagdaýlary barada hasabat bererler» - diýip Ýewropa Bileleşiginiň Geňeşiniň habarynda aýdylýar diýip, Interfaks habar berýär.
Beýanda aýdylyşyna görä, «ministrlere raýatlar, döwlet gullukçylary, kärhanalar we senagat üçin energiýanyň ýokary bahalaryny aşaklatmak üçin gysga möhletde ÝB-niň derejesinde durmuşa geçirilip bilinjek mümkin bolan çäreleri kesgitlemek teklip ediler».
7-nji sentýabrda Ýewrokomissiýanyň geçiriljek gepleşiklerini bildiriş edip, ÝK-nyň başlygy Ursula fon der Lýaýen rus gazyna ýokary çägi girizmek pikirini öňe sürdi.
«Biz gazyň bahalarynyň aşakladylmagyny maksat edinýäris. Şunuň bilen baglylykda, biz rus gazy üçin bahalaryň «ýokary» çägini hödürläris» diýip, fon der Lýaýen ýörite beýan bilen çykyş edip belledi. Onuň bellemegine görä, ÝB rus gazynyň importyny 40%-den 9%-e çenli azaltdy.
Garaşylyşy ýaly, ministrleriniň duşuşygynyň barşynda ÝB ýurtlarynyň bilelikde energiýa geçirijilerini satyn almaklygy, gazyň we elektrik togunyň bahalarynyň bölünmegi hem-de elektrik energiýasy bazarynyň düzüminiň özgerdilmegi maslahatlaşylar.
Duşuşyk Çehiýanyň senagat we söwda ministri Ýozef Sikeliň ýolbaşçylygynda geçiriler. Ýewrokomissiýa ÝK-nyň energetika boýunça agzasy Kadri Simson wekilçilik eder.
Türkmenistan YHG bilen hyzmatdaşlygyň ileri tutulýan ugurlary boýunça başlangyçlaryny beýan etdi
3-nji fewralda daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti Tähran şäherinde geçirilen Ykdysady hyzmatdaşlyk guramasyna (YHG) agza ýurtlaryň Daşary işler ministrleriniň orunbasarlarynyň ýokary derejeli komitetiniň birinji mejlisine gatnaşdy diýip, Türkmenistanyň DIM-nde habar berdiler.
Birinji ýarym ýylda Türkmenistanyň NGIZ-leri nebitiň gaýtadan işlenilişini 2,6 mln tonna çenli artdyrdy
Türkmenistanda birinji ýarym ýylda 2 mln 628 müň tonnadan gowrak nebit gaýtadan işlenildi. Şu döwürde ýurduň NGIZ 2 mln 630 müň tonna çig nebit iberildi diýip, «Нейтральный Туркменистан» gazeti çarşenbe güni belleýär.
Türkmenistan Owganystanyň dikeldilmegine gyzyklanma bildirýär - DIM
Türkmenistan Owganystanyň täzeden dikeldilmegine, dünýä ykdysady gatnaşyklaryna goşulmagyna we infrastrukturasynyň ösüşine gyzyklanma bildirýär. Bu barada Türkmenistanyň Daşary işler ministriniň orunbasary W.Hajiýew Daşkentde “Owganystan: howpsuzlyk we ykdysady ösüş” atly halkara maslahatda eden çykyşynda belledi diýip, türkmen daşary syýasat edarasynyň saýty habar berýär.
Bloomberg: Saud Arabystany Aziýa üçin nebitiň bahalaryny ýokarlandyryp biler
Treýderleriň indiki aýda spot bahalaryň peselmegine garaşýandygyna garamazdan, Saud Arabystany Aziýa üçin nebitiniň bahalaryny sentýabrda ýokarlandyrar. Bu barada Praým agentligi Bloomberge salgylanyp habar berýär. Geljek aýlar nebit bazary üçin aýgytly bolup biler diýip, treýderler hasaplaýar.
Türkmenistan we Gazagystan nebitgaz, ulag we beýleki ugurlarda hyzmatdaşlygy ösdürmegi maksat edinýär
3-nji fewralda Astana şäherinde Türkmenistanyň we Gazagystan Respublikasynyň daşary syýasat edaralarynyň arasynda syýasy geňeşmeler geçirildi diýip, ýurdumyzyň daşary syýasat edarasy habar berdi.