Nebitgaz taslamalaryna «ýaşyl» energetika garanda köp harçlamak meýilleri üçin BP kompaniýasy tankytlandy
20:36 29.12.2022 5491
BP britan nebitgaz korporasiýasy geljekde ýylda energiýanyň gaýtadan dikeldilýän çeşmelerine garanda, nebitgaz taslamalaryna has köp harçlamagy meýilleşdirýändigi üçin tankyt astyna alyndy. Bu barada The Guardian gazeti habar berýär.
Neşiriň ýazmagyna görä, BP uglewodorodlar ulgamyna 2023-nji ýyldan 2025-nji ýyl aralygynda her ýylda 7,5 mlrd dollar goýmagy meýilleşdirýär. «Pes uglerodly» energetika taslamalarynyň ösdürilmegine ýylda 3-5 mlrd dollar goýular. Soňlugy bilen bu görkeziji 4-6 mlrd dollara çenli artyp biler.
«Kompaniýanyň harçlamalary onuň ileri tutmalaryny görkezip biler. Geň ýeri, energetika çökgünligi döwründe BP energiýanyň ekologiýa taýdan arassa çeşmelerine garanyňda, gazylyp alynýan ýangyja birnäçe milliard köp maýa goýmagy meýilleşdirýär» — diýip, Friends of the Earth ekologiýa guramasynyň wekili Maýk Çaýlds aýtdy.
Beýik Britaniýanyň «ýaşyllar» partiýasynyň liderleriniň biri Edrian Ramsiniň bellemegine görä, ekologiýa gün tertibine ygrarlylyk barada beýan etmeklerine garamazdan, nebitgaz korporasiýalary «öňküsi ýaly nebit bilen gazda has köp pul gazanmaga kararly». Ol ýurt häkimiýetlerini iri kompaniýalara basgy etmeklige çagyrdy.
Öz gezeginde, BP nebit we gaz bilen bagly bolmadyk taslamalaryň çykdajylarynyň, şol sanda energiýanyň dikeldilýän çeşmelerine, wodoroda we bioenergetika çykdajylaryň 2025-nji ýyla çenli maýa goýumlaryň umumy möçberinden 40%-den gowrak artmagyna we 2030-njy ýylda 50%-e çenli ýetmegine garaşýar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.