«Galkynyş» käninde nobatdaky ulanyş guýusy ulanyşa girizildi
15:35 11.01.2023 9696
Türkmenistanda tebigy gaz ätiýaçlyklary boýunça dünýäde iň irileriniň biri bolan «Galkynyş» gaz käninde №60 ulanyş guýusy üstünlikli ulanyşa girizildi.
Ýokary çylşyrymlylykly guýynyň buraw işleri 2021-nji ýylyň awgust aýynda başlandy. Buraw işleri «Türkmengaz» DK-nyň CNPC (HHR) hytaý kompaniýasy bilen şertnamasynyň çäklerinde hytaýly hünärmenler tarapyndan geçirildi.
Guýynyň gurluşygy bellenilen möhletlerde tamamlandy. Netijede 4580 metr çuňlukdan tebigy gazyň senagat akymy alyndy.
Guýynyň agzynyň gurnama işlerini «Türkmengaz» döwlet konserniniň 3-nji gurnama edarasynyň gurluşykçylary amala aşyrdy. Ulanyş guýusynyň agzynda ýokary tehnologiýaly, döwrebap elektrotehniki we gidrawliki enjamlar, optiki-süýümli kabeller, aragatnaşyk serişdeleri we widepgözegçilik enjamlary oturdyldy.
Türkmenistanyň Prezidentiniň tabşyryklarynyň esasynda ýurduň nebitgaz toplumyna sanly ulgam ornaşdyrylýar. Bu guýuda oturdylan optiki süýümli kabeller, aragatnaşyk serişdeleri we wideogözegçilik enjamlary «Marygazçykaryş» Müdirliginiň «Galkynyş» gaz käniniň 1-nji desganyň tebigy gazy kükürtden arassalamak boýunça we başlangyç gaz arassalaýjy desgalarynyň operatorlaryna sanly ulgam arkaly guýudan çig gazyň çykarylyşyny gözegçilik etmäge we ýokary basyşly gaz geçiriji boýunça hereketini dolandyrmaga mümkinçilik berýär.
2022-nji ýylda 3-nji ýöriteleşdirilen gurluşyk-gurnama edarasynyň hünärmenleri we işçileri «Galkynyş» gaz käninde şeýle hem 309-njy ulanyş guýusyny işe girizdiler. Häzirki wagtda 294-nji we 30-njy ulanyş guýularynda işleri alnyp barylýar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.