«Rosgeologiýa» Türkmenistanda uglewodorod känlerini gözlemek hem-de işläp taýýarlamak bilen meşgullanar
16:11 24.01.2023 9073
Aşgabatda 19-20-nji ýanwarda geçirilen Türkmen-russiýa işewürler forumynyň çäklerinde «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň hem-de «Rosgeologiýa» (Rosgeo) rus holding kompaniýasynyň wekiliýetleriniň arasynda gepleşikler geçirildi. Gepleşikleriň netijeleri boýunça russiýa hünärmenler türkmen uglewodorod we peýdaly gazylyp alynýan baýlyklaryň känini gözlemekde we işläp taýýarlamakda tehnologik kömegini bererler.
«Rosgeonyň» wekiliýeti geçen ýylyň noýabrynda hem Türkmenistana gelipdi. Şonda ýurduň uglewodorod mümkinçiliklerini artdyrmak we gaty gazylyp alynýan baýlyklaryň täze känlerini açmak hyzmatdaşlygyň ileri tutulýan ugry hökmünde kesgitlenildi.
Şunuň bilen bir hatarda, taraplar «Rosgeo» PJ bilen «Türkmengeologiýa» DK-nyň arasynda uglewodorod çig maly we peýdaly gaty gazylyp alynýan baýlyklar boýunça geologiýa gözleg işlerini ýerine ýetirmek ulgamynda hyzmatdaşlyk hakynda Ylalaşyga gol çekmegi meýilleşdirýärler. Degişli ylalaşyk 2022-nji ýylyň dekabrynda 12-nji Russiýa-türkmen Hökümetara toparynyň mejlisiniň barşynda gazanyldy.
Hususan-da, russiýaly hünärmenler Hazar deňziniň türkmen böleginiň erkin bloklarynda ýerasty gaz ammarlaryny gurmak üçin laýyk gelýän multiklient düşürme, gözleg we geologiýa uçastoklarynyň esaslandyrmasy formatynda 3D seýsmoderňewleri geçirmek, Amyderýanyň nebitgazly basseýniň demirgazyk-günbataryndaky nebit känlerini lokallaşdyrmak boýunça taslamalara gatnaşmagy teklip edýärler.
«Rosgeo» Russiýa Federasiýasynyň ösen önümçilik we tehniki mümkinçilikleri bolan iri geologiýa holdingidir. Kompaniýa mineral serişdeleriň ähli görnüşleriniň sebitleýin derňewinden başlap we känleriň ätiýaçlygyny kesgitläp, olary işe girizmeklige çenli geologiýa gözleg we derňew işleriniň ählisini ýerine ýetirýär.
Kompaniýa deňiz geologiýa we şelf operasiýalary ulgamynda özboluşly başarnyklara eýedir.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Türkmenistan birinji ýarym ýyllykda Azerbaýjana benzin ibermekde ikinji orny eýeledi
Azerbaýjan 2022-nji ýylyň birinji ýarymynda Türkmenistandan 36 müň 571 tonna AI-92 belgili awtomobil benzinini import etdi diýip, angy.ru nebitgaz habarlar agentligi habar berýär.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.